鳥良 (已結業)

公司附近食日本野嘅餐厅不多，鸟良算系首选，价钱合理份量多，美中不足是坐位不多，迟来了要坐外边，大热天时真系顶唔住。这里出名乌冬，系咪手打就唔知啦，我见送货全部都系冰鲜，不过真系几好食。今次叫左吉烈猪扒汤乌冬加寿司三件，乌冬好食，吉烈猪好大块，新鲜炸起无油腻感，寿司除机比，醋味够，唔错！朋友叫嘅吉烈猪扒挂乌冬加刺身三片，卖相几靓，咖喱汁好味，捞埋啲蛋汁好正，不过搞到成碟野一堆乱，食到无哂仪态。三文鱼刺身加鱼子饭，大大碗，新鲜又多料，配埋手卷饱到爆，手卷有三款得拣，太爱食三文鱼了，所以都系拣返三文鱼手卷。仲有呢到个杂锦鱼生饭又系好正，劲多料，咩都有啲，唔似得有啲店净系有三文，呑拿同鱼子就话自己杂锦。加上姜片同青瓜丝，好好味！不过太大碗，食唔哂好浪费。除左刺身寿司，仲可以配小丸子，汽水，沙律等，都几多野拣。午餐由三十几到五十几蚊，无野饮，侍应针水都几勤快，ok啦。