101手工涮涮鍋 (已結業)

凍冰冰一大班人又去打邊爐啦，早前見朋友係fb 去呢間好似吾錯咁，我地都跟風去試下。呢間打邊爐店環境都吾錯，好似西餐嘅暗環境，又少少似韓國型格feel，幾relax。食物都幾好，選擇都好多，有張menu係任嗌嘅，而初初一set選了湯底，海鮮等等，特別肉類等，d牛都好靚，肥瘦適中。海鮮有蠔，好大隻，重蠔味，幾正，一份四隻，另外仲有硯同蝦等等，各樣都好新鮮，打邊爐一流，食出鮮味。另外都好多種手打丸，都好好食，整體食物種類都好多，其實就咁份set嘅食物已經好夠，任嗌嘅menu都好多野食但都飽到只係嗌左菜，服務吾錯，上碟收碟都快，最後要讚下飲品，好有特色，仲可以任嗌，平時就咁一杯都幾十蚊，所以呢餐咁多野食又好味又有海鮮五個人都係千多少少真係好平，會再約朋友嚟。