云手工火鍋店

营业中

休息中

終於約齊腳喇，大家真係好耐冇見，梗係食好啲！期待已久嘅手工火鍋終於食到😍呢度地點方便，就喺尖沙咀鬧市當中，約聚會都零舍方便。嚟呢度一定要試下手工火鍋，都有好多款式選擇㗎！我哋揀咗松茸雞翅冬瓜魚鍋魚湯做湯底真係好鮮甜，大量嘅魚翅非常吸引，雞件嫩滑，一路滾住，松茸香氣滿瀉，打邊爐之前，飲上一碗，成身都暖哂。招牌酥炸惹味茄子金黃色嘅外皮香脆可口，有啲似天婦羅嘅口感，內裏茄子軟滑，舖上炸蒜和椒鹽，超惹味，食落好有層次感。火鍋配料仲有手切牛頸脊、自製黑松露蟹肉餃、鮮蝦雲吞、招牌韭菜餃。牛肉雪花均勻，烚完都好有牛味，冇咩筋，好正😍令人回味。我哋想試多幾款餃類，所以叫咗半份，各有四粒，全部都係人手包制，唔係急凍，入口新鮮，粒粒都大大粒添，好滿足。