云手工火鍋店

营业中

休息中

呢度D手工火鍋就比較啱我口味，海鮮靚料唔少得之餘，最緊要有啖靚湯飲下。呢度都有成五六款手工湯底，有海鮮又有鷄煲翅。今次就試吓松茸雞翅冬瓜魚鍋。即係魚湯煲松茸冬瓜同鮮雞。上枱時勁靚俾你影吓相之後就會有人處理。食呢啲手工火鍋，首先係飲吓湯，亦係今次嚟食嘅主要目的。松茸雞翅冬瓜魚鍋好大塊冬瓜同埋有成半隻雞係煲入面。湯有魚同胡椒味，但係煲完雞之後就雞味出啲，新鮮雞肉質嫩滑，菇菌索曬湯嘅味道，菇味特別香，仲有消暑大冬瓜，都係入晒味。份量都好多，唔洗叫太多其他嘅嘢，另外叫咗個菜同牛柳粒、兩款餃子同特色蝦丸黑松露蟹肉餃大量嘅碎菇粒加埋蟹肉同松露，好濕潤好重黑松露味。竹笙帶子香菇餃竹笙爽脆加埋裏面有帶子粒，特別甜。餃子全部自家包製，值得一試。鹹蛋黃蝦丸手打下院入邊再加流心鹹蛋黃，加重爽彈蝦滑嘅口感佢哋有日本和牛、海鮮同埋刺身，不過再叫其他嘢，因為已經夠飽，去呢啲手工火鍋，與其上一街都有嘅海鮮或者和牛，不如食佢啲手工火鍋料，因為其他地方未必食得到你啲手藝