芝加哥串燒 (美豐花園) (已結業)

朋友話想近近地搵間又有酒飲又有野食既地方，最後我地選擇左芝加哥串燒酒場，一路食串燒一路飲下酒一路傾下計。店鋪細細，8點去到已冇位，而且可以選擇坐室外。我地點了幾款串燒加手工啤酒。一口雪花牛肉串/芝士雞肉串/燒原隻魷魚串燒串燒即叫即燒，串燒燒到剛剛好，調味亦調得剛剛好，唔會話太咸，特別是燒原隻魷魚串燒，大大隻，一路飲啤酒一路食真係一流金菇肥牛卷香草芝士焗雜菌一打開好香香草芝士味，雜菌唔會焗到出水。鹽燒雞翼&蜜糖雞翼雞翼燒到個皮好脆，我鐘意鹽燒，非常鹹香好惹味。招牌茄子燒大大條原燒茄子，加上調味粉，蔥花，超好味，來到一定要食呀，原本想叫多條，但實在太飽啦。燒雞扒配照燒汁意粉燒雞扒燒到雞皮好脆，肉嫩多汁，而意粉用香草調味。原來啤酒有做優惠，星期一買送一，星期二買二送一，星期三買三送一至到星期六都有，當然星期一買一送一最抵啦！我地咁岩個日星期二，買二送一，好抵呢。Angry orchard crisp apple cider非常易入口，入口與一般蘋果汁無異，帶啤酒餘韻。