影片
更多
2020-05-05
252 浏览
今次我係第一次係Openrice寫食評,我特登開個account去寫食評,就係因為呢間餐廳的一名姓張的侍應(男人,大概30幾歲,戴黑色框眼鏡)好有霸氣、會鬧客人,仲惡過你!其實過去兩年我都間唔中會幫襯呢間餐廳的,因為佢「以前」d食物同服務態度都幾好,所以都曾經去過幾次,但係今次我係最後一次幫襯呢間餐廳,以後都唔會再去!我講食物先,以前d食物份量大大份,食到好飽、好滿足、味道又好好,但唔知點解,今次我叫咗個鯛魚泡飯,D飯又少,食唔飽,明顯個份量冇以前咁多!味道方面,不過不失啦,就係冇以前咁好食啦!所以我地叫多個魚腐當小食,但都係唔飽....算! 座位方面,我想話d位好窄、好逼 肥少少都坐唔到,就算坐到都坐得唔舒服有個姓張的侍應仲要叫我個朋友將張櫈再推入去D,話驚阻到佢行路喎... 我同個朋友坐低冇幾耐,個姓張的侍應已經走埋黎問咗我地幾次:「你地齊人未呀?」我地答:「仲有一個朋友黎緊」隔咗一陣,張侍應再走黎問:「你地個朋友仲有幾耐到?」前前後後總期問咗3-4次,大佬呀,我地坐低冇耐,d野食都仲未到,你就已經問咗我地幾次,煩唔煩呀? 仲要一句「唔好意思」同埋連解釋都冇! 如果真係要齊人先可以
其實過去兩年我都間唔中會幫襯呢間餐廳的,因為佢「以前」d食物同服務態度都幾好,所以都曾經去過幾次,但係今次我係最後一次幫襯呢間餐廳,以後都唔會再去!
我講食物先,以前d食物份量大大份,食到好飽、好滿足、味道又好好,但唔知點解,今次我叫咗個鯛魚泡飯,D飯又少,食唔飽,明顯個份量冇以前咁多!味道方面,不過不失啦,就係冇以前咁好食啦!所以我地叫多個魚腐當小食,但都係唔飽....算!
座位方面,我想話d位好窄、好逼 肥少少都坐唔到,就算坐到都坐得唔舒服有個姓張的侍應仲要叫我個朋友將張櫈再推入去D,話驚阻到佢行路喎...
我同個朋友坐低冇幾耐,個姓張的侍應已經走埋黎問咗我地幾次:「你地齊人未呀?」我地答:「仲有一個朋友黎緊」隔咗一陣,張侍應再走黎問:「你地個朋友仲有幾耐到?」前前後後總期問咗3-4次,大佬呀,我地坐低冇耐,d野食都仲未到,你就已經問咗我地幾次,煩唔煩呀? 仲要一句「唔好意思」同埋連解釋都冇! 如果真係要齊人先可以入座既話,咁點解一開頭你又放我地入去坐呀?跟住我忍唔住同佢講:「明明我地隔離同埋附近有兩張空咗既二人枱, 另外一邊近廚房的有一張6人的梳化枱,都冇人坐既...,而且出面又冇人排隊」 於是張侍應唔單止冇同我地解釋返,仲要郁都唔郁咁企係我地張枱隔離睥住我地!!仲要係睥足兩分鐘呀(呢兩分鐘我地冇出過聲)!! 哇!又恐怖又奇怪! 我真係未見過d咁既侍應囉! 你想嚇我地呀?!
到咗第二日,我打電話向呢間餐廳的老闆投訴張侍應,老闆雖然最後都有代佢向我道歉,但同時還要有諸多的辯駁同埋講野有骨,又話宜家餐廳要請返個正常侍應係好難,叫我體諒下,又話「我唔係話緊你,不過我想講食客同埋店員係要互相尊重的」,我想問下,我點樣唔尊重過你地呢? 我由始至終都係同你地講道理,又冇用粗口鬧過你地,似乎係你地唔尊重我先喎! 我想話呢,如果一間餐廳想keep住好生意、想keep住有客人黎,最重要係餐廳的服務態度要好,反而食物好唔好食係其次。
後來我為咗解決成件事,我話我想張侍應親自係電話到向我道歉,店主話OK,仲話第二日會叫張侍應打俾我道歉,但我等咗差唔多一星期,佢地都冇打黎,完全唔當我的投訴係一回事,於是我自己主動打俾佢地,點知係個女店員聽電話,個女店員就串串共咁話張侍應放咗假,等佢放假返黎會再覆我,但一直都冇覆,隔咗兩日我又再打去,係店主聽電話,然後佢叫張侍應係電話到向我道歉。其實只要對方誠心向我道歉,我會接受的,亦會將成件事當粉筆字抺咗去,點知,個張侍應竟然係個電話到好串咁同我講:「我份人其實係可以好串架! 我對住D有學識有禮貌的客人,我可以好有禮貌;但對住D橫蠻無理的客人,我可以好串的!」 哇! 你宜家係想道歉定係想撩交嗌呀?! 咁冇禮貌的侍應我都係第一次見! 好,我贈返你一句:「我對住D有禮貌的侍應,我都可以好有禮貌,甚至乎做埋熟客、做埋朋友! 但我對住D冇禮貌、唔識尊重客人的侍應,我都可以好串的!」
其實Openrice唔只我一個投訴過呢間餐廳D侍應的服務態度架,如果各位網民有時間的話,不妨可以睇下其他食評, 呢間餐廳D侍應的強項就係幫佢地老細倒米呀! 就算呢間野D食物好好食都好,我以後都唔會再去!
题外话/补充资料：
各方面的水準大不如前,尤其是服務態度方面,以後唔會再去!香港地仲有好多其他更好的選擇
(以上食记乃用户个人意见 , 并不代表OpenRice之观点。)
张贴