影片
更多
2019-05-26
314 浏览
夏天就快到，對我地呢2個怕熱嘅人黎講，其實夏天已經到T^T，兩個見光死嘅人係海港城大行突行，一黎係因為海港城有大大嘅冷氣，二來係我地2個都要為夏天做準備，買返D透心涼嘅衫。同男朋友行到腳隻軟之後，我地去左加拿芬廣場食中菜，睇開我食評嘅朋友都食，男朋友真係好鐘意係中菜，哈哈。樂天經典雖然係中菜館，但佢裝潢用色唔算話係太中國風，有少少高尚格調路線，大大嘅雲石檯、舒服嘅梳化椅、店員都幾有紀律( XD一有客人入黎就會大叫歡近黎到樂天經典，好似要全場侍應都要戒備咁) 同都幾親切有禮嘅，未點菜前，仲有個花生粟子俾我地墊下肚，整體印象都幾好。男朋友去得食中菜，第一件事一定係叫個湯先，佢叫左個每日靚湯($55)自私飲，呢個雞湯好充料，好濃雞湯味，入面仲有大大隻雞係入面，飲落好補好養生。蒜香紅海蜇頭($78)，海蜇頭大大舊，咬落好爽脆，因為有醋係入面，所以帶少少酸甜味，而且個海蜇頭係涼浸浸嘅，岩哂做開胃前菜。冰鎮苦瓜($48)，本身我唔鐘意食苦瓜，但男朋友偏偏鐘意食，而呢道係唯一一道有苦瓜得黎而我會陪佢食嘅菜，切成一片片嘅苦瓜片，晶瑩剔透，中間仲有苦瓜片捲住D冰，遠睇好似一朵開緊嘅花咁，桂花蜂密清香微甜
夏天就快到，對我地呢2個怕熱嘅人黎講，其實夏天已經到T^T，兩個見光死嘅人係海港城大行突行，一黎係因為海港城有大大嘅冷氣，二來係我地2個都要為夏天做準備，買返D透心涼嘅衫。
同男朋友行到腳隻軟之後，我地去左加拿芬廣場食中菜，睇開我食評嘅朋友都食，男朋友真係好鐘意係中菜，哈哈。
樂天經典雖然係中菜館，但佢裝潢用色唔算話係太中國風，有少少高尚格調路線，大大嘅雲石檯、舒服嘅梳化椅、店員都幾有紀律( XD一有客人入黎就會大叫歡近黎到樂天經典，好似要全場侍應都要戒備咁) 同都幾親切有禮嘅，未點菜前，仲有個花生粟子俾我地墊下肚，整體印象都幾好。
男朋友去得食中菜，第一件事一定係叫個湯先，佢叫左個每日靚湯($55)自私飲，呢個雞湯好充料，好濃雞湯味，入面仲有大大隻雞係入面，飲落好補好養生。
蒜香紅海蜇頭($78)，海蜇頭大大舊，咬落好爽脆，因為有醋係入面，所以帶少少酸甜味，而且個海蜇頭係涼浸浸嘅，岩哂做開胃前菜。
冰鎮苦瓜($48)，本身我唔鐘意食苦瓜，但男朋友偏偏鐘意食，而呢道係唯一一道有苦瓜得黎而我會陪佢食嘅菜，切成一片片嘅苦瓜片，晶瑩剔透，中間仲有苦瓜片捲住D冰，遠睇好似一朵開緊嘅花咁，桂花蜂密清香微甜，同苦瓜係完美嘅結合，恰到好處咁中和左苦瓜嘅苦澀味
醬爆排骨王(小) $88，唔好以為佢細份真係好細…..，睇相就知佢一D都唔細，我地2個人食，每人都分到三舊，XD究竟大份係去到有幾大呢，好奇！排骨無因為烹煮而變老或變鞋，醬汁入面加左少少醋，所以味道入口唔會淨係得個甜字，而係好開胃嘅味道。
鯪魚炒油麥菜(中)$117，非常有住家風味的一道菜，油麥菜炒得剛好，色澤保持到嫩綠爽脆，而調味亦恰好。
古法蒸黃花魚($118)，黃花魚本身都新鮮，蒸煮嘅時間亦都掌握得剛好，魚肉入口嫩滑好似要融咁，鼓油個味我好鐘意！如果俾多D蔥就更加好啦，因為我超鐘意食蔥！
老鼠粉煲(小) $118，姐本身超鐘意食，但唔知係咪因為煮嘅時候好講技巧，家下唔多地方有得食，有銀針粉嘅菜式真係買少見少！呢個粉好好食，佢本身個湯汁好濃郁好食，加隻生蛋係入面，令到個湯變得企身，可以掛係銀針炒度，有種滑溜溜嘅口感，倒埋少少樂天特製嘅咸魚薑蒜汁，個味道更進一步提升。
菜香鐵板豆腐(小)$108，豆腐外皮煎香左，但入面好滑好香大豆味，個醬汁有D似魚香茄子嘅醬，拎黎送飯一流。
我同男朋友雖然得2個人，呢度份量都真心多，但我地2個人今次意外地戰力驚人，我諗同呢度D野好食都有D關係嘅。
张贴
