Steak Bar (已結業)

今日為咗嚟UNIQLO搶J+系列，成功搶購之後，就去附近嘅登龍街搵嘢食，見到呢間門面好似幾吸引大大隻字寫住食牛嘅，跟住就入咗去食啦。一入門口，侍應嘅服務態度非常之好，好細心咁樣為我哋講解每一款牛有啲咩唔同，建議你食幾多成熟，同埋每一款牛嘅部位有咩特別嘅口感同埋肉質，淨係聽佢講嘢已經獲益良多，跟住我哋就開始揀嚟食啦。Set F- 吉列炸牛扒 $188一個set入面包含咗柚子醋沙律菜，用嚟開胃簡直一流+飯，飯上面配左啲香餸，咬落去卜卜脆仲有好香嘅肉鬆紫菜味，淨係碗飯都已經唔夠吸引+麻醬凍豆腐，又滑又甜。跟住就係個主菜-吉列炸牛扒，牛扒外層係炸得非常之甘香嘅酥脆，但係塊肉仲係紅色，有自己去調教牛肉嘅熟度，基本上牛肉放喺石板等幾秒就已經可以入口，一啲都唔油膩，牛嘅鮮味都出晒黎，掂下佢附上嘅鹽同埋少少甜既醬汁，更加入味Set D - 頂級板腱牛扒 （每日限量）$215我哋叫咗五成熟，所以我哋見到既肉都係血淋淋，初頭以為食落去會好腥，但咬完落去發覺原來完全冇腥味，而且鮮美多汁，肉質非常軟熟，口感非常嫩滑，因為跟腱位比較多，所以會有少少韌，佢將牛嘅味道發揮到極致，所以每日限量並唔係浪得虛明。