今日一個人食晚餐，叫咗個泡菜五花腩湯外加一碗飯。坐低15分鐘一直無人俾水我，以為無得提供，迫於無奈叫咗罐嘢飲。(直到臨走前見到另一張枱坐住兩個人，枱上有水樽，先知原來有水提供，一個人食可能係cheap啲)
明明見到隔離枱都係叫湯類加飯，但人地有一小碟前菜，我呢邊同樣係咩都無。anyway唔緊要，但個「泡菜五花腩湯」嚟咗之後，我一度以為自己叫錯餐，因為用筷子撩嚟撩去，我都見唔到五花腩，只有滿滿嘅菜菜菜......後來終於搵到了....係片片都幾乎細到隱形嘅「五花碎片」......百幾蚊一碗但交咁嘅貨，我真心無辦法接受！
最後，為咗唔好浪費錢同埋努力活下去，勉強食左一碗「菜飯」。估唔到賣單200幾蚊，但一啲都食唔飽...最後過咗隔離鋪頭用40蚊買咗一條飯卷填肚，味道仲好味過佢。唉，正宗貼錢買難受。而家生意難做，好心你哋就俾啲heart！
