魚心日本料理 (已結業)

不是有心侮辱此間食店，而是我真係有此感覺。雖然只來過一次，但記憶猶新。那次因為路過，見門口貼了很多周刊和報紙的介紹，心想應該不會太差，便跟男友入去一試。甫坐下，侍應便好冇禮貌，擺低兩杯水(水濺到一都係)，我要求侍應幫忙抹一抹，她卻說落埋單先，不過我還未想到吃甚麼，問她可不可以待會才落單，先幫忙抹乾淨張，她面口即時轉黑，跟拿了一條很濕的布過來一抹，然後不耐煩的說︰要吃甚麼？因為時直午飯時間，餐牌上只有定食供應，免為其難，與男友分別點了一個咖喱湯底叉燒拉麵及鰻魚定食。兩個定食來了，我望住碗叉燒拉麵，只係在面頭淋上咖喱汁，我即時問侍應(另一個)︰這是咖喱湯底嗎？她回答︰係呀，你見唔到有咖喱汁咩？我心想︰唔駛咁寸？不過，算了罷，我不能期望她跟其他食店的弄法一模一樣。吃了一箸，麵條腍PAT PAT，俾湯浸到發漲晒，湯底勁多味精，而且配料不太新鮮，菜黃晒，粟米同芽菜有點兒發黑，還有塊叉燒好似風乾咁，又又冇味；男友話個鰻魚飯飯好硬、汁好多好甜、舊鰻魚就燒得好，有苦澀味，這餐簡直俾錢買難受，我只是吃了四分之一碗，雖然覺得浪費不應該，不過真係冇辦法！