大瀛喜日本料理 (已結業)

放假無咩好得過食放題，我揀呢度，因為D刺身壽司好食，重有其他燒烤，天婦羅，飲品和甜品都OK，二佰幾一位好過食酒店自助餐啦。飲品有成個大櫃揀，有我鐘意忌廉同lemon CC ，又有道地飲品同可樂，飲品都多揀過酒店。那晩刺身很新鮮，天婦羅好吃，炸得脆之餘，不會太厚粉，食材新鮮。海膽手卷和龍蝦沙律手卷都好正。重有D煮物是我食過最好的，雪花牛肉鍋，D湯飲仲好有牛味，還有北海道牛乳鍋，個湯都好鮮甜，有菜有海鮮，好清淡。炸物是即叫即炸，唔會凍冰冰㗎，芝麻炸雞翼，超好食，咗好多。另外D創作壽司都係好好食，食材配撘不錯，甜品最好吃是朱古力蛋糕仔，好軟綿又有朱古力味，其實呢度食放題都幾好，同酒店差唔遠呀。