彤

营业中

休息中

今日比我喺尖沙咀發現到呢間食omakase嘅日本餐廳🍴由於日本mode on fire 🔥,所以同朋友決定入嚟食啦🤩餐廳裝修得好精緻好靚，食物環境又乾淨，見到啲食材儲存得好好，而且師傅刀法乾淨利落，每碟出嚟嘅食物都令人驚訝，擺盤又美👍🏻真係值得大讚！前菜三點，都係一啲漬物清一清味蕾😝然後就到真功夫啦，見到師傅拎咗板海膽出嚟，原來係整深海池魚配北海道馬糞平川海膽，放上盤嘅時候真係成個藝術品咁唔捨得食☺️深海池魚肉質鮮嫩肥美，魚油豐盈，再配埋海膽嘅鮮甜味，令人一試難忘😍另外呢個吞拿魚下顎都相當吸引，一個吞拿魚得一個下顎，可想而知幾咁珍貴，一放入口就知道與別不同，魚肉係超級滑嫩，食完個口仲有吞拿魚嘅餘韻喺度，認真冇得頂👍🏻