58
11
27
等级4
2008-03-07 109 浏览
又係多得南瓜兄的邀請, 來到這家名店. 吃完的感覺係貴, 但係一定值得試. 見這裡的食評也好像不算好一面倒, 其實又幾奇. 正如不少人指出, 這店係香港數一數二的食店, 水準又應該不止於家下食評的反映吧.由於價位實在太貴, 文迪批准小弟一個人出席. 坐低先喝啖花雕, 這裡的水準真係好得, 味道香而醇, 係飲完一杯又一杯的.醬鴨: 8分, 先來的係四道前菜, 醬鴨幾入味, 肉質也幾嫩滑.醉鴿: 9分, 酒香噗鼻, 鴿肉嫩滑, 花雕的味道係溶入鴿肉, 高水準.素鵝: 8分, 平日不太愛好素食, 但這個素鵝帶點微微的煙薰味同甜味, 用來送酒又幾好.爆腰花: 9分, 四個前菜, 除了三個冷的, 仲有一個熱的. 腰花沒有奇怪的味道, 跟筍片一齊吃, 爽口, 又係得.龍井蝦仁: 9分, 也吃過不少地方的龍井蝦仁, 數這次的龍井味最突出, 基本上係每吃一啖蝦肉也有芬香的龍井味滲透出來, 但那份味道又不會掩蓋了蝦的鮮味, 蝦肉係大大粒, 也當然夠鮮.炸田雞腿: 7分, 好像再吃寧波的元蹄, 只係元蹄變成了田雞腿. 先取一件田雞腿來吃, 不知是否小弟不好彩, 我的那件係明顯的老了, 肉不單止不嫩滑, 仲
更多
又係多得南瓜兄的邀請, 來到這家名店. 吃完的感覺係貴, 但係一定值得試. 見這裡的食評也好像不算好一面倒, 其實又幾奇. 正如不少人指出, 這店係香港數一數二的食店, 水準又應該不止於家下食評的反映吧.

由於價位實在太貴, 文迪批准小弟一個人出席. 坐低先喝啖花雕, 這裡的水準真係好得, 味道香而醇, 係飲完一杯又一杯的.

醬鴨: 8分, 先來的係四道前菜, 醬鴨幾入味, 肉質也幾嫩滑.

醉鴿: 9分, 酒香噗鼻, 鴿肉嫩滑, 花雕的味道係溶入鴿肉, 高水準.

素鵝: 8分, 平日不太愛好素食, 但這個素鵝帶點微微的煙薰味同甜味, 用來送酒又幾好.

爆腰花: 9分, 四個前菜, 除了三個冷的, 仲有一個熱的. 腰花沒有奇怪的味道, 跟筍片一齊吃, 爽口, 又係得.

龍井蝦仁: 9分, 也吃過不少地方的龍井蝦仁, 數這次的龍井味最突出, 基本上係每吃一啖蝦肉也有芬香的龍井味滲透出來, 但那份味道又不會掩蓋了蝦的鮮味, 蝦肉係大大粒, 也當然夠鮮.

炸田雞腿: 7分, 好像再吃寧波的元蹄, 只係元蹄變成了田雞腿. 先取一件田雞腿來吃, 不知是否小弟不好彩, 我的那件係明顯的老了, 肉不單止不嫩滑, 仲係實實的, 好鞋口. 當然, 這道菜也有它的水準, 只係對比期望中的水準係有距離. 再吃兩口底下的川椒葉, 反而不錯.

煙薰黃魚: 7分, 比較令人失望, 煙薰的味道不太突出, 魚肉也稍嫌有點鞋, 水準應該不止於此的.

東坡肉: 6分, 這個更差, 肥肉的部份沒錯係好甘香, 但係比例係全錯了, 瘦肉係佔了大部份, 而只有小小肥肉. 瘦肉係咬極到咬唔開, 實到不得了, 只有放棄.

鹹肉窩塌菜: 9分, 這個時令菜, 剛巧有得食. 鮮甜的窩塌菜加上鹹肉, 很好的配搭, 值得一題的係這個鹹肉枤水準比東坡肉係高出好幾班.

蟹粉: 8分, 終於輪到蟹粉的時間了, 其實一早已有心理準備水準或許不太好, 小弟又覺得還不錯. 吃落口也有蟹的甘香鮮味, 用來撈麵, 係精彩的. 最大問題係吃到好幾件殼, 這個就一定要扣分.

純菜魚丸: 8分, 一向對愉園無乜好感, 這個純菜魚丸呢? 吃完蟹粉, 喝喝這個純菜湯, 相當鮮甜, 也係讓味蕾休息一下的好方法. 魚丸係好滑, 不過小弟還是喜歡個湯多一點.

雜果酒釀丸子: 7分, 最後來的係送的甜品, 加上雜果的酒釀丸子感覺上係奇奇怪怪, 兩者係點都扯不上, 尤其係士多啤梨, 真係不懂欣賞.

個別食物幾好的, 但係又有不少食物的水準係好一般, 當然, 係值得來試的, 不過有無下次? 又真係要想想.
90 浏览
0 赞好
0 留言
69 浏览
0 赞好
0 留言
279 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
人均消费
$700