我地3個人叫0左3個SET LUNCH...其實我唔係好肯定係幾多錢一個SET...但係大約係70蚊到啦...
我地叫0左燘牛肋骨,、燘粉絲牛肉同燒青魚午餐. 最好吃的當然係燘牛肋啦! 你地睇下, 70蚊有咁多件牛肋骨, 佢真係無欺場啦! 我地3個人,每人食0左最少兩件呀...至於味道呢, 都好好, 因為每件骨都燘到好入味, 同埋D肉係淋得黎唔係痴口, 亦都唔會煮到好似煲湯肉咁...不過我估唔係人人都中意佢既味道, 因為佢個味道係比較甜0個種.
燘粉絲牛肉都好好食, 佢個味同燘牛肋骨既味係一樣的, 我估係用同一個汁做BASE去煮.所以我都好中意食. 牛肉應該係用0左小小肥既牛. 份量都唔少, 但係粉絲相對上係少0左D...不過都好對辦GA LA...70蚊...真係抗通脹價啦...
燒青魚其實都唔錯...因為佢都燒得好有心機, D魚油0即0左少少出來, 個魚皮又脆脆地, 但係無論佢點煮得好..我都係對依樣野MA MA地...因為D肉始終係鞋0左D....
再講埋D前菜, 真係好唔錯, 有南瓜, 芽菜, 泡菜, 茄子, 涼粉. 友人最中意食茄子同南瓜..我都係...因為D南瓜都煮得幾淋, 本物南瓜唔算好甜, 但係都幾好味
