Roll (已結業)

難得今日放假早起身約左好友唱k,行經呢間人氣卷蛋店,未食野既我地當然唔會放過佢啦~竹炭芝麻味卷蛋 黑"媽媽"成舊炭咁既卷蛋都幾樣衰衰嫁,但就有內在美得很~未食已經聞到十分濃郁既芝麻香 食落仲好似食緊芝麻糊咁 薄薄一層既忌廉食落一d都唔濟 加埋軟綿綿既蛋糕 唔太甜唔會膩 每一口都有好幸福既感覺 十個讚楓糖味卷蛋 芝麻味卷蛋太好味喇 呢個就比下去變得好普通 楓蜜糖漿味唔太出 有d似平時麵包鋪瑞士卷 唔特別 廿幾蚊一件就唔太值lu~Brownie 濃郁朱古力味 口感煙煙韌韌的 極愛朱古力既我一食就上癮 如果再大件一點就perfect喇!榛子Macaron 一粒粒法式小圓餅好似寶石咁吸引 靚到真係有d唔捨得食呢!朋友仔揀左榛子味 個子小小既佢皮脆餡多 仲有粒粒榛子 非常香又唔會過甜 真的好好吃值得一提的是收銀店員十分有禮貌 笑容十足,有d似去左日本餅店feel,抵讚!而本身唔太好忌廉蛋糕既我都俾呢度既芝麻味卷蛋捲走左個心喇,食完之後已經開始諗好唔好番轉頭再買件回味下好呢