丸玉拉麵 (已結業)

我成日經過的店舖，但成日無撞唔啱時間食嘢，今次終於有時間，立即入來一試以食拉麵嘅地方黎講都算大，所以唔怕無位簡單叫左一個秘製果仁醬拉麵圖中果粒係雞肉丸，由雞肉、蓮藕、蔥、辣椒等等打混，雖然有辣椒，但係唔辣，只有香味。不過呢粒雞肉丸太散，一點口感都沒有，一咬就開，當然，無沒話肉丸一定要彈牙嘅味道其實可以的，不過雞肉味不濃，就算話係豬肉都得至於麵呢，其實我就唔多鍾意博多拉麵系的，因為佢似廣東雲吞麵得來又沒有廣東麵的彈牙，不過我相信有人係鍾意的，所以我不能話佢唔好食，只係唔啱我口味。最後個湯，又因為我叫嘅係果仁醬，所以本身唔係純白雞湯底，所以又唔可以話佢唔夠雞味，不過以味道黎講係唔錯嘅，亦唔算太肥膩，合格的。簡單黎講唔係我杯茶，但平心而論算是還可以的。