金鶴拉麵 (和富道) (已結業)

中環嘅金鶴拉麵開張時，我已經率先去朝聖，佢哋嘅雞白湯拉麵，讓我一試愛上，奶白色嘅雞湯非常creamy，每次都將湯底清得一滴不漏。最近見到北角和富道都開咗分店，今晚又嚟試下先。見到有特濃雞白湯拉麵，係一般雞白湯拉麵嘅升級版，即刻忍唔住要試下。 奶白色嘅湯底非常濃稠，杰杰地有啲似忌廉，入口是滿滿雞嘅鮮味，口感幼滑。面頭係炸牛蒡絲，分量好似多過平時。裏面有半隻糖心蛋，同埋大量蔥花，木耳，兩片叉燒及兩片慢煮雞胸肉，水準比其他分店有過之而無不及。餐廳座位不多，但坐得舒適，服務亦不錯，下次可以選擇呢呢間分店！