賞糖冰室

营业中

休息中

居於港島四年有多，好日都唔過海，今次一過就過到黎上水～旅行感滿滿。北區同港島嘅街道長得完全不一樣，係冰室走出黎放眼望向左右竟然只得一橦十幾廿層嘅「高樓大廈」，心諗香港竟然仲有未被地產商開發之地☁️𖤐推介！❝沙拉海苔魷魚鬚❞ ($36)魷魚鬚質地實淨，帶輕量Q彈咬口，炸皮一樣唔走酥脆路線而係實的的個種，最有特色嘅係搭配嘅醬汁，少見以芥末醬配搭魷魚鬚，感覺似係街邊小食檔嗌凍八爪魚串串個隻味、配落熱食嘅炸魷魚鬚上面，新奇！𖤐推介！❝芒甸園❞ ($45)每次去甜品鋪都必嗌芒果類甜品，依到嘅芒甸園係包含芒果布甸、豆腐花、小丸子、椰汁同原個芒果，用料大方、配搭適宜，最緊要嘅係芒果肉甜中帶微酸、口感軟綿無渣，係唔算當造嘅2月份都食到靚芒果，滿足！𖤐同行友人嗌咗 ❝榴槤酥皮拿破崙❞ ($55)，無法接受榴槤嘅我只可以講有三件大大份睇落好抵食(੭˙꒳˙)੭ 另外飲品方面 ❝符香蘋果茶❞ ($28 → 跟餐$12) 同埋 ❝炭烤奶茶❞ ($25) 屬正常發揮，奶茶係奶味重過茶味個種。𖤐𓂃𓈒 𓂂𓏸 用餐提示 𓏸𓂂 𓈒𓂃以懷舊港式冰室風格裝修，綠色卡位同牆身壁畫都有舊時冰室的味道，值得一提嘅係依到由早午晚餐到甜