難怪9點都仲咁多人等啦
我地book9點 門口仲係佈滿晒人流
以前被轉型做放題嘅時候，我已經覺得去嘢食唔貴而且好食
轉型之後其實有啲擔心佢會唔會質素下降？
但佢冇令我失望，依然係高質
食物款式都特別同埋多，令我最有印象深刻，一定係佢啲蟹腳同埋拖羅
刺身款式都多，而且每一種都大片又厚切，最緊要係新鮮，唔會過凍又唔會好似放咗好耐嘅感覺
平時唔鍾意食蟹腳，佢嘅蟹腳真係超新鮮，冇雪藏味一拉就出黎，拖羅仲要好肥美好靚入口即溶嘅感覺
仲有我平時唔食嘅榴槤，佢嘅榴槤真係好似食雪糕咁而且好香唔臭，佢嘅嘢食真係好高質
仲有鵝肝大大件，嚟到熱辣辣即食超好食
A5和牛又係必推介，雖然每份份量都唔多，但係因為佢靚嘅超牛，食落口感滑嫩
菠蘿眼睇好似乾身，點知原來係爆汁，一口氣食咗幾件
除咗點嘅嘢食之外，出面仲有各式各樣嘅小食前菜水果甜品雪糕同清酒梅酒啤酒飲品
就連榴槤蓉都同其他放題店一樣任食
