影片
更多
4天前
0 浏览
芝加哥串燒酒場中環店，氣氛熱鬧，啱晒同朋友chill住食串燒。叫咗3 round 嘢先嚟Round 1:紙鷂雞皮香脆唔油膩，燒茄子入口滑溜又夠惹味；牛油果豚肉燒係意想不到的配搭，creamy得嚟又有肉香。沙爹牛肉串夠晒香口，鹽燒牛舌心煙韌有層次，椒鹽極品肥牛就真係肥而不膩，啖啖肉汁。配埋Campari Soda同Vodka Lime，微醺之餘又唔搶味，啱晒邊食邊傾。Round 2繼續精彩，燒秘製肥腸外脆內嫩，滲出濃郁滷香，邪惡得嚟好滿足；燒烤廚師腸鹹香十足，啖啖肉汁夠豪邁。燒肉鬆小貝吐司係驚喜之作，酥脆吐司配上鹹香肉鬆，口感層次豐富。鹽燒鮮淮山清甜爽口，韮菜燒香氣撲鼻，燒娃娃菜就清新解膩，燒尖椒串微辣醒胃，係肉類之間嘅完美平衡。壓軸嘅蜜汁黑豚扒珍珠飯，豚肉嫩滑入味，配埋粒粒分明嘅珍珠飯，令人食到唔捨得停。去到Round 3，豚肉拼盤登場，簡直係肉食控嘅夢想。極品即燒乳豬皮脆肉嫩，香氣四溢；荔枝豚肉卷甜中帶鹹，果香同肉香融合得出奇地夾；椒鹽日本黑豚肉質細緻，鹹香恰到好處；炭燒豬頸肉則外焦內嫩，油脂分佈平均，啖啖都係滿足。三輪串燒之旅，每一輪都各有特色，由鮮味到濃香，由驚喜到高潮，芝加哥串
芝加哥串燒酒場中環店，氣氛熱鬧，啱晒同朋友chill住食串燒。叫咗3 round 嘢
先嚟Round 1:紙鷂雞皮香脆唔油膩，燒茄子入口滑溜又夠惹味；牛油果豚肉燒係意想不到的配搭，creamy得嚟又有肉香。沙爹牛肉串夠晒香口，鹽燒牛舌心煙韌有層次，椒鹽極品肥牛就真係肥而不膩，啖啖肉汁。配埋Campari Soda同Vodka Lime，微醺之餘又唔搶味，啱晒邊食邊傾。
Round 2繼續精彩，燒秘製肥腸外脆內嫩，滲出濃郁滷香，邪惡得嚟好滿足；燒烤廚師腸鹹香十足，啖啖肉汁夠豪邁。燒肉鬆小貝吐司係驚喜之作，酥脆吐司配上鹹香肉鬆，口感層次豐富。鹽燒鮮淮山清甜爽口，韮菜燒香氣撲鼻，燒娃娃菜就清新解膩，燒尖椒串微辣醒胃，係肉類之間嘅完美平衡。壓軸嘅蜜汁黑豚扒珍珠飯，豚肉嫩滑入味，配埋粒粒分明嘅珍珠飯，令人食到唔捨得停。
去到Round 3，豚肉拼盤登場，簡直係肉食控嘅夢想。極品即燒乳豬皮脆肉嫩，香氣四溢；荔枝豚肉卷甜中帶鹹，果香同肉香融合得出奇地夾；椒鹽日本黑豚肉質細緻，鹹香恰到好處；炭燒豬頸肉則外焦內嫩，油脂分佈平均，啖啖都係滿足。三輪串燒之旅，每一輪都各有特色，由鮮味到濃香，由驚喜到高潮，芝加哥串燒酒場真係做到款款有誠意，食完回味無窮。
张贴
