漁獲浜燒 (已結業)

現在晚上可以約朋友食飯，我喜歡吃日本菜，亦喜歡食海鮮，朋友在銅鑼灣上班，所以大家決定來這家口啤很好的漁獲浜燒，日式居酒屋環境，二人細枱為主，傾計幾好的地方。浜燒盛盒餐牌上有很多不同組合的浜燒盛盒，離不開是魚、貝、鮑魚、龍蝦，亦可以自己揀。本來想吃龍蝦，但今日缺貨，經理介紹時令赤鮭魚原條刺身與炸魚骨兩道，都好。無骨的魚我先鍾意食，肥肥白白嘅好呀，魚肉切得很薄，食刀工都值，可以點醋汁或魚肝醬，絕對是魚肝醬優勝，吃內臟略為邪惡但美食從來都是魔鬼。炸魚骨惹味脆口，骨唔食得，只能吃上面的肉，配酒極好，所以都點了清酒。點邊款朋友話事，我支負責飲，這款幾香，唔太強。貝殼浜燒系列：帆立貝有人代勞逐一送上，帆立貝分別以牛油及燒酒兩款汁做，我鍾意牛油煮比較香。清酒煮北寄貝活貝新鮮，清酒汁好味，我唔客氣喝清。清酒煮文蛤大隻肉厚。黑松露平目魚邊沙律 平目魚口感肥美，牠的油份配合黑松露醬大大提升了沙律的味道。番薯雪糕沒有甜品不成事，很香的番薯味道，很誘惑的雪糕。兩個女人不成墟，食得好，吃得飽，今晚真開心。