影片
更多
2013-03-01
34 浏览
細細個時八八卦, 睇報紙讀到一些八卦專欄, 左計右計得知我條命是不適合駕駛, 加上我有自知之明, 性格上是船頭驚鬼船尾驚賊, 我估如果喺路面上遇到我, 唔知係你好彩定我走運 今次我竟然會喺銅鑼灣禮頓中心間汽車Showroom出現, 唔係買(睇)車而係食嘢, 汽車Showroom都有嘢食? 係! 還要係食意大利北部精緻的美饌。 Showroom 唔單止有車賣, 連意大利食材都有出售, 喺餐廳食完想番屋企一展身手, 乾貨食材可以喺度買走~餐廳內部一眼睇晒, 進餐當晚環境熱鬧, 可能日頭工作實在太累, 在場差不多檯檯食客的情緒也很高漲, 奈何空間有限, 聲浪的反彈的確可令人頭痛 ；餐廳內有一套甚搶手的卡座, 它就是印有綠白紅意大利國旗顏色的FIAT坐駕沙發, 當晚都見到這張卡座都有翻檯兩次, 而且還有其他客人正在等待呢!餐單由FIAT香港的代理商SWIRE MOTORS同集團的太古酒店集團餐飲顧問 David Laris 設計, 設計意念是取材自FIAT發源地都靈, 以簡單、新鮮、原始的意大利北部農村菜為主題。慢煮銀鱈魚‧水瓜柳‧甜乾蔥‧香草 $125整體味道是鹹鹹酸酸, 因為廚師用了
今次我竟然會喺銅鑼灣禮頓中心間汽車Showroom出現, 唔係買(睇)車而係食嘢, 汽車Showroom都有嘢食? 係! 還要係食意大利北部精緻的美饌。
Showroom 唔單止有車賣, 連意大利食材都有出售, 喺餐廳食完想番屋企一展身手, 乾貨食材可以喺度買走~
餐廳內部一眼睇晒, 進餐當晚環境熱鬧, 可能日頭工作實在太累, 在場差不多檯檯食客的情緒也很高漲, 奈何空間有限, 聲浪的反彈的確可令人頭痛 ；餐廳內有一套甚搶手的卡座, 它就是印有綠白紅意大利國旗顏色的FIAT坐駕沙發, 當晚都見到這張卡座都有翻檯兩次, 而且還有其他客人正在等待呢!餐單由FIAT香港的代理商SWIRE MOTORS同集團的太古酒店集團餐飲顧問 David Laris 設計, 設計意念是取材自FIAT發源地都靈, 以簡單、新鮮、原始的意大利北部農村菜為主題。
慢煮銀鱈魚‧水瓜柳‧甜乾蔥‧香草 $125整體味道是鹹鹹酸酸, 因為廚師用了檸檬汁、水瓜柳、蒜蓉來調味, 再加上火箭菜那獨特的澀味, 作為全餐的首頓, 實在清新無比；銀鱈魚的肉質嫩滑, 也帶油脂, 不錯吃!
火炙吞拿魚‧椰菜花‧杏仁‧榛子油‧檸檬 $110吞拿魚煮得外熟內軟, 入口彈牙而魚味更是豐富、濃郁到說不出話來；椰菜花爽甜(與果仁同吃會突顯那種軟硬柔合的口感), 醃製過的麵包又酸又煙韌, 更喜歡蒔蘿(刁草)對食物所帶起的香氣。
Honey Figs Margarita $50嬌情的紅色令人有一刻未飲先碎的效果: 蜜糖、鮮無花果肉、cranberry juice, 再嚟過 soda on top...... 酸甜醒胃, 味道一點也不嗆喉。
無花果拼乳清芝士伴白松露菌蜜糖 $95無花果通常是選用時令的土耳其或者意大利來貨, 味道清甜；乳清芝士亦即是ricotta cheese, 味道帶有牛奶的醇, 亦有奶油的質感；反而要好留意才能把白松露菌蜜糖的味道與香氣嚐出來。
朝鮮薊‧蠶豆‧橄欖油‧天然酵母麵包‧香草醬 $65整體味道是以橄欖油及香草醬的酸味為主, 蠶豆煮得綿身並且味帶甜甜地, 嗦了醬汁的麵包也夠嚼頭, 紫洋蔥的增味威力也功不可沒。
燴意大利肉丸配米型意粉 $95肉丸內含70%的牛肉及30%的豬肉, 質地扎實味道亦濃；千萬不要看米型意粉是這麼的小不點, 原來廚師可以把它們煮到粒粒煙韌, al dente 咁款~ 食落口是有食米飯的感覺可是質地卻表示出它們帶有意粉的特質 ；茄醬酸味帶醇厚, 果味好出, 並且有用黑椒來提香。
羊芝士意粉 Cacio e Pepe $110原來是一味傳統意大利的家庭餐點, Cacio e Pepe 即是 Cheese and Pepper, 簡單‧直接。傳統的做法當然沒有FIAT的花巧, 因為廚師特登用芝士弄了隻碗, 用來把意粉盛住, 真係又食得又睇得。食時要把芝士碗弄碎, 再與意粉撈來吃... 意粉乾身彈牙, 味道帶有芝士的鹹香, 另外還有黑椒及香草的美味。
香桃‧雲呢嗱忌廉‧杏仁杯 $60 聽名就覺得好美味, 不過睇完實物就覺得亳無難度；表層是杏仁片, 中間是忌廉, 底下是罐頭桃肉(罐頭耶), 層層食都無所謂啦..... 怎知道, 無聊下攪兩攪, 才發覺味道有點兒變化, 有種香草? 肉桂? 還是茴香的味道...... 讀讀餐牌才發現這款甜品是加入了Galliano syrup, 上網瀏覽才知道Galliano是一款草本力嬌酒sweet herbal liqueur, 可能廚師落得少, 唔覺得有酒精味。
意大利芝士杯 $60面層是咖啡味濃至偏向苦澀的咖啡沙冰, 中間的mascarpone芝士味道就超級濃並且有橙香, 下層是嗦滿咖啡的Italian Lady Finger Biscuit, 質感是黏黏濕濕, 滿口咖啡香氣在盤旋
题外话/补充资料：
全世界最貴的咖啡在此有售:
近八十萬元的World's Most Expensive Coffee, 就是一杯Illy的Espresso及一輛Abarth 695 Tributo Ferrari, 財政預算案已經出台, 自問是富貴一族的你們, 不妨來試試這杯矜貴咖啡。
(以上食记乃用户个人意见 , 并不代表OpenRice之观点。)
张贴
