影片
更多
2015-05-11
266 浏览
工作需要, 整個星期, 天天都去會展行街街. 兩年一次的HOFEX餐飲展, 只招呼行內人, 每次都行到我腳軟, 一連四天, 每天都行差不多四小時, 一路行一路食, 專揀好嘢先食, 哈哈….今天早到了展覽館, 行了三個小時, 也早走了, 專登去一去灣仔電腦中心探朋友. 網上搜一搜附近的拉麵店, 睇 ... 咿呀 ...! 食評武林兩大高手給了負評…..呵 ..., 要試試囉…..行咗成日, 身心俱疲, 手軟軟, 腳重重, 望見個餐牌介紹, 無心機慢慢研究. 找店員給個提議, 唔好太淡, 些少濃, 店員為我揀了一款豚骨湯底套餐: 金兵衛, 個名係有些怪怪. 餐牌後面還有多款串燒推介..., 呀… 主力賣拉麵, 又賣埋串燒, 師傅都好忙吓喎….哈哈哈…主菜未到, 有些酸瓜小菜提吓神. 味道清新, 不太酸, 幾好, 但我覺得”切粒”的口感, 比”切片”好.金兵衛上檯, 店員提醒 要攪勻先食. 未攪前先試一口湯, 味道的確無Agura的濃, 但我較喜歡這種不太杰的濃度, Agura的太濃太杰了, 食完後整個下午都感覺有點膩 (只試過尖沙咀店, 未食過灣仔店, 友人告知, 灣仔店的湯做得濃度較低,
工作需要, 整個星期, 天天都去會展行街街. 兩年一次的HOFEX餐飲展, 只招呼行內人, 每次都行到我腳軟, 一連四天, 每天都行差不多四小時, 一路行一路食, 專揀好嘢先食, 哈哈….
今天早到了展覽館, 行了三個小時, 也早走了, 專登去一去灣仔電腦中心探朋友. 網上搜一搜附近的拉麵店, 睇 ... 咿呀 ...! 食評武林兩大高手給了負評…..呵 ..., 要試試囉…..
行咗成日, 身心俱疲, 手軟軟, 腳重重, 望見個餐牌介紹, 無心機慢慢研究. 找店員給個提議, 唔好太淡, 些少濃, 店員為我揀了一款豚骨湯底套餐: 金兵衛, 個名係有些怪怪. 餐牌後面還有多款串燒推介..., 呀… 主力賣拉麵, 又賣埋串燒, 師傅都好忙吓喎….哈哈哈…
主菜未到, 有些酸瓜小菜提吓神. 味道清新, 不太酸, 幾好, 但我覺得”切粒”的口感, 比”切片”好.
金兵衛上檯, 店員提醒 要攪勻先食. 未攪前先試一口湯, 味道的確無Agura的濃, 但我較喜歡這種不太杰的濃度, Agura的太濃太杰了, 食完後整個下午都感覺有點膩 (只試過尖沙咀店, 未食過灣仔店, 友人告知, 灣仔店的湯做得濃度較低, 沒有以前杰). 面頭的味噌辣肉醬, 只是微辣度, 但鹹度十足, 攪勻之後, 豚骨湯和辣肉醬混合, 增加了湯底的濃厚味度.
此店標榜麵條來自日本百年老店, 還得到比利時「國際品質評鑑組織」Monde Selection的特別金獎. 呀…., 日本麵條與歐洲組織…., 關係....真有點複雜….一時之間, 諗唔通…有點亂…哈哈…. 無論如何, 麵身也不覺太淋, 反而口感有些少實, 彈牙程度未算太強, 無論如何, 口感實總好過太過軟身. 麵條的掛湯能力, 如高手所言, 不算太高, 所以, 我會用匙更盛些少湯一起入口較為合適.
义燒做得出色. 邊位燒得微微燶, 整體顏色比一般的拉麵店要深, 入口的味道也較一般的香口, 瘦肥大概七三分, 肉質口感不肥算膩但軟度十足, 不似一般日式义燒的鞋口.
不知何時開始, 食拉麵, 必要放一隻溫泉蛋. 可能我見識少, 記得十多年前常去日本, 食拉麵時, 都不一定會放雞蛋, 通常是另外加, 此店的溫泉蛋的蛋黃岩漿度滿意.
套餐還包括五隻餃子, 上檯, 先睇睇pat pat, 兩隻燶度滿意, 三隻尚差少少. 再睇造形, 非傳統日式, 有些少似中式鍋貼形狀, 摺痕形狀不規則, 餃子皮咬落, 口感上不太均勻, 有厚有薄, 唔似入貨, 可能是自己製作.
餃子餡料, 看到的有兩種菜, 口味只辨認到其中一款是韭菜. 肉菜大概六四分, 整體味道適中, 有湯汁, 但不會過鹹, 水準好過很多所謂的餃子專門店.
我有自知之明, 我只是”二打六”食評人, 係高手面前, 絕不敢班門弄斧, 但以一般消費者講講個人口味尚且可以吧, 作為一小小小小消費者顧客的心態提一提個意見, 小型拉麵店, 就算沒有日本師傅坐鎮, 起碼都要講一講師傅的來頭吧, 例如....日本學成歸來等等..., 否則, 必需要諗諗一些"洒家"技法, 才能吸引到市場注意. 一般消費者的頭腦就是這麼簡單, 不要說甚麼盲目羊群心理等誤解, 難道那些意大利法國的貴價名牌袋就是水準最好和最襟用? (沒有那間名牌手袋公司會標榜產品是香港製造吧, 你認為香港出品水準也不會差過法國貨? 無問題, 那你慢慢去說服消費者吧….). 第二是專注, 拉麵和串燒, 二者不可兼得, 至於餃子, 則是二線產品, 這不是餃子專門店, 再花精神, 人家也不會因此而老遠走來幫襯. 無論如何, 拉麵合我口味, 店員有禮, 服務水準也好, 詢問時答得詳細. 小店經營, 給笑臉鼓勵一吓, 希望可以做得更好.
张贴
