影片
更多
2007-06-03
17 浏览
上個禮拜日去左食佢個和牛buffet一直都無寫食評...今日諗住睇下其他人去完有咩評價啦...點知...踩多過讚...真係唔知點解= ="講番D野食和牛刺身: 刺身我覺得絕對係A5既貨色! 雪花好靚! 同佢D相一模一樣! 不過係限量供應...派左半粒鐘倒就無晒...味道方面...唉...入口即溶只係一句誇張既講法0者...肉黎架大佬...如果即溶咪即係食緊成舊牛脂= =" 到時比你都唔要啦...不過D和牛刺身有D就切得衰D...有筯><厚薄無問題...係呢個size..無理由再切薄D...壽喜燒: 因為佢唔係續份續份整....因為最合理既煮法係用牛脂茶左個鍋底...然後就加菜...熟左再加牛肉...佢而家一煲菜..一煲牛...搞到無左用牛脂煎過牛肉既香味...有D side料,不過佢D牛肉真係好滑~~相當唔錯...和牛漢堡: 本人最中意食D香口野~~所以個和牛漢堡正!!如果佢唔切咁碎D牛肉~留番少少口感會更好~ 由於和牛漢堡通常都係D扒切頭切尾多出黎既部份~所以其實啖啖都係貴野~~~有西冷...有肉眼~~ 既有油脂~~亦有肉香~~ 自己加少少鹽食~~正爆~~一啖一塊!澳
一直都無寫食評...今日諗住睇下其他人去完有咩評價啦...點知...踩多過讚...真係唔知點解= ="
講番D野食
和牛刺身: 刺身我覺得絕對係A5既貨色! 雪花好靚! 同佢D相一模一樣! 不過係限量供應...派左半粒鐘倒就無晒...
味道方面...唉...入口即溶只係一句誇張既講法0者...肉黎架大佬...如果即溶咪即係食緊成舊牛脂= =" 到時比你都唔要啦...不過D和牛刺身有D就切得衰D...有筯><
厚薄無問題...係呢個size..無理由再切薄D...
壽喜燒: 因為佢唔係續份續份整....因為最合理既煮法係用牛脂茶左個鍋底...然後就加菜...熟左再加牛肉...
佢而家一煲菜..一煲牛...搞到無左用牛脂煎過牛肉既香味...有D side料,不過佢D牛肉真係好滑~~相當唔錯...
和牛漢堡: 本人最中意食D香口野~~所以個和牛漢堡正!!如果佢唔切咁碎D牛肉~留番少少口感會更好~ 由於和牛漢堡通常都係D扒切頭切尾多出黎既部份~所以其實啖啖都係貴野~~~有西冷...有肉眼~~ 既有油脂~~亦有肉香~~ 自己加少少鹽食~~正爆~~一啖一塊!
澳洲和牛+安格斯: OK啦...肉味濃...有時會略為煎得過火...始終都唔係平野~~ 煎衰少少都係好味!
燒羊架+豬+雞: 我真係無排過果度,我見咁多人排...真係開心死~~黎食和牛...唔排和牛...排grill...一個字: "型!" 全日最多人排...長期有人排..就係呢度~~ 如果想食呢D...不如等佢做完和牛promotion再番黎食...真係傻既!
冷盤: 小弟覺得...非主打既...必定好打有限!
生蠔...小弟唔好...唔知好定壞..以海鮮角度睇: 新鮮, 但細隻...
蟹: 果日幾甜~~唔錯~~不過懶得搞...食左少少,
螺: 之前食過...無特別...無再食
刺身: 一如以往...過得人過得自己...最衰無左拖羅
海膽手卷: 正!!海膽靚~ 又夠大份~~個人獨吃4件!!
熱盤: 咪玩啦...全飽肚食物...邊有人食自助餐追熱盤...一樣都無食!!一樣都無留意!!
湯: 無乜變化...又係海龍皇...都OK..蝦湯底...好過飲水~~
甜品: 都係果句...非主打...無留意...不過款式都幾多...總有D好野既
张贴