翅軒 (已結業)

其實不是第一次到翅軒食飯,因為結婚係度擺酒,特別有紀念價值!最估唔到係姓葛個位經理半年後係電話度都仲記我地.所以我同老公得閒都會去!個晚我地2個人叫左鮑魚,聖子,生蠔,瀨尿蝦,蟹籽上湯浸時蔬,茄子燒鵝煲,仲有甜品.生蠔- 好新鮮同肥美!價錢好抵!!可能經理同師傅講左叫佢揀隻靚d既!聖子- 好大隻!! 分開蒜茸粉絲蒸同蒜茸豆豉蒸. 蒜茸粉絲比較入味.d粉絲好好味! 清蒸鮑魚- 味道好鮮! 不過本身隻鮑魚就唔係好大隻,但係幾厚肉!都ok.椒鹽瀨尿蝦- 好大隻同好多膏.我本身就唔鍾意食膏,所以對我黎講就ok啦. 不過老公就話好好味!蟹籽上湯浸時蔬- 個湯好甜,成個煲d湯比我飲晒!! 茄子燒鵝煲- 可能食到最後已經好飽, 無咩點食呢個餸.而且味道偏濃.所以無咩印象!整體感覺舒服! 但係除左個位經理服務態度好好之外,其他服務員既服務都係一般!好似行屍走肉咁,連小小笑容都無!以一間五星級酒店黎講就唔合格! 所以如果想繼續保持高級餐廳水平,係時候檢討一下服務員既態度啦!