魚目混珠 (已結業)

平時飲開鹿x巷，但喺石門返工，就喺度叫左個入魔黑糖混珠鮮奶，即係黑糖珍珠鮮奶啦。

女店員好nice，仲會問下我要不要幫手，幫我插埋飲管，呢樣要讚！

到味道啦，第一啖一飲，嘩乜咁甜，呢個甜唔係砂糖既甜，係煉奶既甜⋯仲話用鮮奶去整，一啲奶味都冇⋯至於珍珠，可能用黑糖煮得唔夠，或者用現成買返黎一袋黎煮？所以真係飲唔出黑糖味同埋都係死甜⋯珍珠算有咬口，係唯一一樣過得去既地方

飲左三分一，我真係頂唔順佢，成杯就好似飲緊一杯冇咁傑既煉奶咁，太甜！同埋甜得好怪！我唔想浪費但最後都係要扔落垃圾桶！

真心甜到核爆⋯不推薦大家黎呢間飲

只有死甜，連粒所謂珍珠都係冇黑糖味，只有死甜

$26

想有糖尿病一定要買黎試下佢

$26