魚目混珠 (已結業)

石門嘅京瑞廣場一、二期都有唔少小店，飲品店都有好幾間選擇🤔同行朋友就介紹我嚟呢間飲，聽到個名覺得幾有趣😂間舖頭位置偏入，裝修都比較低調，如果朋友唔特別介紹都未必留意到🧐-落單嘅時候職員態度好好，出飲品嘅時候又會幫你開埋，終於唔係一般飲品店嘅比錢買難受，值得一讚！朋友就嗌番飲開嘅「入魔黑糖混珠4.3牛奶」，我見舖頭都推介呢杯係Top.1，朋友認為呢間用嘅黑糖幾好飲，黑糖夠濃郁唔會好稀又唔會好死甜。-我就想飲啲清清地嘅，職員就推介我飲新出嘅「果果冰茶」，見入面有成6種水果咁多，貪心嘅我就試試佢🤩緣茶底加埋水果個人覺得好好飲！😍朋友都話唔錯，不過唔飲得甜嘅建議小甜或者半甜😟-整體嚟講服務態度同飲品質素都幾好😋行開呢頭都會買番杯飲，大家請多多支持香港小店！

今日過嚟京瑞廣場，諗住買杯嘢飲但係唔知買邊間好，咁啱見到呢間嘢飲有人排隊，咁即刻試吓先😎本來係想飲奶類嘅嘢，但係見到人哋嗌左杯芒果沙冰個樣實在太吸引😂😂最終都係叫咗杯芒果沙冰嚟試吓😂本身我就唔係好飲得太甜嘅 咁就問一問左店員會唔會太甜，咁佢就同我講，佢哋唔係用芒果糖漿整嘅，係用新鮮芒果加蔗糖打出嚟，所以可以揀少甜，都唔會少咗芒果味飲落去第一下 嘩🤩估唔到咁好飲 勁有芒果味 完全飲得出唔係用嗰啲好假嘅芒果漿整出嚟嗰種味🤤🤤最正係佢上面有層奶蓋🤤🤤🤤個店員態度都勁好，就算我問好多嘢，佢都好有耐性咁答我🤣下次經開呢頭我一定會試埋佢地其他嘢😎😎👍🏻

都未試過特登開AC打差評見未試過諗住試下點知伏到一個點明明要微甜珍珠奶茶 飲落口好似全部都係糖咁另外叫咗一杯沙冰 簡直唔知似咩 好似水咁但係入邊勁多糖好唔好飲你哋自己諗

個人好中意甜野，呢間啲野夠哂甜，超中意飲呢間。每個人口味唔同，中意好甜嘅一定啱晒你。即管去試，我就好滿意啦珍珠係同其他店係唔同嘅，唔知點解就係正啲。支持黃色經濟

平時飲開鹿x巷，但喺石門返工，就喺度叫左個入魔黑糖混珠鮮奶，即係黑糖珍珠鮮奶啦。女店員好nice，仲會問下我要不要幫手，幫我插埋飲管，呢樣要讚！到味道啦，第一啖一飲，嘩乜咁甜，呢個甜唔係砂糖既甜，係煉奶既甜⋯仲話用鮮奶去整，一啲奶味都冇⋯至於珍珠，可能用黑糖煮得唔夠，或者用現成買返黎一袋黎煮？所以真係飲唔出黑糖味同埋都係死甜⋯珍珠算有咬口，係唯一一樣過得去既地方飲左三分一，我真係頂唔順佢，成杯就好似飲緊一杯冇咁傑既煉奶咁，太甜！同埋甜得好怪！我唔想浪費但最後都係要扔落垃圾桶！真心甜到核爆⋯不推薦大家黎呢間飲