維記咖啡粉麵

营业中

休息中

去親深水埗都忍唔住一定要去維記食麵，今日自己一條友，亦都好掛住啲豬潤，所以必去啦！門口正常排長龍，個人經驗係唔會等得好耐，我再示意主管我只係一個人，於是就好快被安排坐低食嘢，坐二人枱原來几好，冇圓枱咁迫 ，真趣!我一般都係叫潤牛麵，而今日喺門口排隊時聽到食客話午餐肉好正，煎得好香，於是我就揀咗三拼，再加杯凍檸茶。 湯底始終不變好鍾意佢個豬潤湯，有阿媽煲嘅感覺，真材實料，絕不欺場，豬潤整得好爽，啱啱熟好正;牛肉就一般啦; 塊煎午餐肉亦都煎得個面好脆，推介午餐肉睇落唔油，食落都唔油，放咗係湯面都唔油，大家可以放心叫! 我飲夠豬潤湯後就開始加辣椒油，因為佢好香㗎，一定要試!