聰少甜品 (已結業)

今日經過元朗市中心，食完晚飯見到隔離有聰少甜品，即刻入去試食。店鋪裝修好潮——潮語+潮櫃點了一客芒果涼粉，同埋一客龍眼椰果冰。嘩，一試，不得了！龍眼冰入邊有粒粒龍眼肉，味道非常清甜，炎炎夏日食勁正。芒果涼粉面頭有一堆芒果肉，之下係芒果沙冰，味道好似食緊大塊真芒果肉咁，好濃味。再下面就係涼粉，大大粒好好食！元朗終於有一間價錢合理而且有創意又好味嘅甜品店！