聰少甜品 (已結業)

之前喺將軍澳去過聰嫂，覺得佢個龍眼冰好好食。元朗近排開咗間聰少，唔知係咪同一間，於是就去試下。同先生叫咗一個合桃露同埋湯圓，正到好交關! 好耐冇食過咁濃合桃味嘅中式糖水，有生磨既感覺。而個湯圓湯既薑味同甜味簡直調到一流，好香好濃，湯丸係芝麻餡，都非常好食。我哋今晚係食完煲仔飯再嚟呢一度食甜品㗎，所以更加溫暖，再過幾日再凍d, 可以再黎試其他糖水。其實佢環境好合潮流㗎，靚靚嘅環境一定亦有西式糖水啦，之前我都食過佢嘅榴槤甜品， 又係一流

平時都係食開聰嫂，見到有間叫聰少，心諗係咪假㗎！不過見啲甜品又好似一樣甘，而且有王牌龍眼冰！照入去食！唔止有龍眼冰，佢仲有士多啤梨，蜜瓜味！係粉色系列丫！好靚！所以試下新野！叫咗個蜜瓜味！出到黎同張相都好似樣，好靚！第一啖蜜瓜味好重！不過就有啲似雪糕，即係有隻韓國蜜瓜味雪條嗰種感覺！其實如果鐘意蜜瓜味都應該會覺得幾好食。不過我都係鐘意龍眼清清地，同咬嗰時會有啲微粒咁，龍眼肉unun地，可以咬咬下！

食完晩餐，有少少意猶未盡，要食下甜品才感覺完滿。上週試過另一甜品新店，感覺良好，唔知今晚這家水準如何呢？這店子在安娜餐廳附近，晚上九時已經坐無虛席，還有人在等外賣。店子中型大小，座位廿多個，裝修有時尚感。甜品選擇頗多，有成本小册子咁多，有傳統的中式糖水同港式的水果甜品，定價親民，由$17-$65。芝麻合桃露$22這甜品真係正！無論芝麻糊或合桃露的味道都很出色！芝麻糊的芝麻味極濃好香，口感十分香滑。芝麻應該有炒香過才磨粉，才會這樣香濃；合桃露的合桃味十足！超香！質感幼滑，真的有香宮的水準。味道香而滑，不會太稀太稠或過甜，唔會吃完滯左，正合我口味。一次過吃兩款口味認真正！推介！芒果燉奶$3x這甜品有著三重口感：面層有鮮芒果，芒果大大塊，好甜又juicy; 中層有芒果沙冰，沙沙口感，加上芒果汁，味道清甜；最底層有燉奶，口感滑溜而奶香。燉奶配上芒果汁，變得無咁膩，有著芒果酸酸甜甜的清新甜美，又有奶滑口感，實在不錯！椰果西米露$12 （外賣）這西米露椰子味十足，西米份量唔少，而中間又夾有椰果，口感QQ而酸酸地, 感覺比芋頭西米露新穎，以$12可試到，認真超值。整體而言，這甜品店比上週那家性價比更

探完囝囝回家之前，覺得有少少牙痕，所以特意去聰少買甜品返屋企食去到門口，大大張Poster有幾個Promotion,主要以外賣自取為主，於是叫左一碗鮮什果椰汁涼粉、椰汁椰果西米露及芒果布甸回家食，三碗糖水合共只需$56，真係抵到爛返到屋企打開外賣，發覺每樣甜品都超足料先講鮮什果椰汁涼粉：外賣碗比平時市面大及高身，裡面裝有滿滿鮮果，份量十足，椰汁味香濃，八折左後只需$34，真係抵食到爛，必食之選椰汁椰果西米露：椰汁味香濃，西米大大粒，糖水內超多椰果粒，無因為價錢$12而偷工減料，讚👍🏻芒果布甸：香滑足料，只需$10，唔錯市面上一般甜品都要起碼三、四十蚊落樓，就算價錢平，材終都無咁足，始終明白舖租人工材料樣樣上漲，難以取得平衡，難得此店可以做到平靚正甜品🍮，所以值得推介

每逢星期六晚食完晚飯😋😋，都想食埋個甜品🍧🍨🍰🍮🍩🍹先覺得係完滿的一天💃🏻💃🏻！今日就嚟咗元朗嘅聰少甜品，平時去開尖沙咀嗰間次次都係叫龍眼椰果冰，今晚就試吓唔食龍眼椰果冰，試下蜜瓜豆腐花，點知一食就覺得原來蜜瓜冰豆腐花先係絕配，😋😋蜜瓜冰非常之鮮甜同非常涼快，唔知係咪已經食厭咗龍眼冰？點解我會覺得個蜜瓜 冰好食過龍眼冰？🍈🍈🍧🍧你而家做緊推廣，加＄10外賣芒果布甸！🍮

食完一餐豐富嘅韓燒晚餐😌😌最緊要就係食埋個甜品滋潤下平衡返！😎😎💦💦☀️☀️炎熱嘅夏天最好就係食返個龍眼椰果冰消暑一下！😋😋😏我首選嘅龍眼椰果冰，聲稱係冇一份都用咗3️⃣3️⃣粒龍眼肉制成😋🤤，啖啖都係龍眼嘅清甜味💪🏼👍🏻👍🏻😋加埋椰果，食到舔舔脷！ 🍧🍧🤤而男朋友仔就叫咗個椰汁涼粉西米露＄29，但係男朋友仔覺得個西米露唔夠凍，同埋無咩味。另外，而家做緊promotion 可以加＄10有芒果布甸外賣，好抵食！

元朗的甜品店真的很多, 每間也有自己的特式。這次帶朋友到元朗聰少甜品ㄧ試(因自己也常到屯門店光顧)。星期日晚點了兩個甜品:- 龍眼椰果冰- 鮮什果椰汁涼粉龍眼椰果冰是聰少的皇牌甜品水準依然, 但元朗店的冰不是很夠凍, 有少許溶...鮮什果椰汁涼粉... 這個真的太差了 上枱第ㄧ感覺份量很少, 而什果完全不新鮮(除了香蕉), 其它的有點變色, 西瓜, 哈蜜瓜及蜜瓜也變壞了還有酸味! 最差的自己應為元朗店放了不凍的淡奶伴涼粉而不是椰汁, 令整個甜品難食到ㄧ個點跟屯門店的完全不ㄧ樣...因有酸味的涼粉真的不能吃, 所要便要求店員換了另外ㄧ個甜品:芒果奶昔雙皮奶, 看到芒果明顯不新鮮, 奶昔不是沙冰而真的是奶昔般... 味道不過不失, 但口感略差... 失望真的不知道為何同ㄧ連鎖店的分别那麼大... 元朗店的雪櫃是否有問題呢? 食物品質同味道也跟其它店差很多, 希望元朗店能儘快改善。以下是我之前在屯門店拍的照, 明顯分別很大...屯門店的鮮什果椰汁涼粉屯門店的芒果奶昔雙皮奶

聰少甜品聰嫂甜品先在香港區打出名堂其後就到聰少甜品到九龍新界區發展月賣2萬份的龍眼椰果冰店家標榜著每份冰裏頭=30粒龍眼的確每一口冰都有清甜的龍眼味還有龍眼果肉、水晶珠跟椰果增添口感芒果奶昔雙皮奶濃滑奶味配上芒果也是絕配我覺得好吃不等於你純屬個人意見愛分享

在附近吃了晚餐，老公隨即想食甜品。走幾步就看到這店，時間尚早，人不多，於是試一試。我點了龍眼冰，老公點了芒果雙皮奶，都是店鋪的熱門推介。甜品很快便送上，先試一口龍眼冰，嘩！非常濃烈的龍眼味!!!刨冰是比較乾身的，配上西米來吃口感很不錯，還有一些很有咬口的椰果粒。不過如果西米可以軟一點更好。總括來說是很足料，好吃！芒果雙皮奶我只試了一口，很滑，芒果味很重，還有幾片很甜的芒果，不錯。老公亦表示十分滿意，還說下次要試榴槤冰呢！

聰少愈開愈多，估唔到元朗都有一間，正！原本想叫榴連珍珠冰，但身體有啲唔舒服，所以試左龍眼冰！據說用左20粒龍眼去整。果然，一淡食落去，龍眼味勁濃！真係有食緊龍眼嘅感覺！每淡冰都食到龍眼果肉，絕對無違反商品說明條例而且相當清甜，唔似加左糖水去整果種齋甜而友人叫左蜜瓜冰，呢個相對龍眼冰真係失色不少。雖然表面嘅蜜瓜都幾清甜，但果啲冰嘅蜜瓜味有啲假，加上啲冰好似加左牛奶去整，整個感覺好似食緊韓國果隻蜜瓜味雪條咁

今晚得閒，諗著去好多好野食既元朗食返碗糖水。見到呢間都係聰字頭既糖水舖，心諗點都唔會中伏啦，大不了咪叫龍眼冰。由於同行既另一半好霸度咁叫左龍眼冰唔俾我叫，我唯有揀第二樣。由細到大都只愛食蜜瓜而討厭飲蜜瓜奶既我，對蜜瓜奶既抗拒就有如叫個素食者食肉一樣。醒目既我叫親蜜瓜既食物都會一絲不拘咁問清楚究竟係蜜瓜整，定蜜瓜奶整。詳情唔多講，因為應該打夠80字可以出post。總結係我被店員呃左。呢個蜜瓜涼粉係垃圾，除左面頭果4粒，我食唔到有蜜瓜。如果你同我一樣係蜜瓜愛好者又好討厭蜜瓜奶的話，千祈唔好試。

今日經過元朗市中心，食完晚飯見到隔離有聰少甜品，即刻入去試食。店鋪裝修好潮——潮語+潮櫃點了一客芒果涼粉，同埋一客龍眼椰果冰。嘩，一試，不得了！龍眼冰入邊有粒粒龍眼肉，味道非常清甜，炎炎夏日食勁正。芒果涼粉面頭有一堆芒果肉，之下係芒果沙冰，味道好似食緊大塊真芒果肉咁，好濃味。再下面就係涼粉，大大粒好好食！元朗終於有一間價錢合理而且有創意又好味嘅甜品店！

無諗過聰字頭會開到黎元朗。以後夜晚想食甜品又多個選擇了。 今次無叫到我最愛的芒果豆腐花，反而試咗芒果雙皮奶，偶然一次試試新嘢都唔錯。甜品是放在一個特製的少少木盤上，很骨子的，即時覺得high class咗。雙皮奶上面舖滿了芒果味的好creamy的花奶，是我很喜歡的質感，但略甜，芒果很甜，但雙皮奶不夠滑。老公點了椰果芒果冰，味道合乎預期，但老公都係鍾意芒果豆腐花多啲。至於價錢就由三十幾蚊起，而家食甜品一啲都唔平.....

果日行開元朗，諗住去康樂路坐小巴，咁都有開心大發現。有間聰少甜品WO!!聰少其實就係聰嫂，天氣熱成咁，整碗龍眼冰感覺正到咩野咁。一諗起就即刻入去，入到店，裝修好簡單，唔似連鎖店，反而似街坊開咁XP。有一位姐姐比左餐牌我，其實唔洗睇，龍眼冰加椰果~! 我的必然選擇!玩左陣手機，可能佢地見我成身汗，好快就有得食。一入口，龍眼味道香到入心，冰的口感又唔似刨冰咁硬，最神奇就係唔會有冰水味，而係龍眼的濃郁香味。加埋神奇水晶珠，又一個120分。食食下偷聽到廚房係到討論緊點樣蒸蛋白會滑點，真係有心對食客，可惜出面熱到咩野咁，我又整左碗龍眼冰，唔係打包碗燉蛋白先走人(利申:未食過，但聽到咁有心，想試)。食完去埋單，個姐姐問埋我要唔要水，嘩，我無諗過會有店員問反我，通常係我問店員拎，攪到我都唔好意思要啦。真心抵讚!XP真心推薦比大家去呢間咁低調的聰少分店，又唔洗排到隻JACK 咁先有得食，又唔洗同D遊客迫到阻街。最重要係有街坊味道，唔似其他分店咁商業味重。

Wise Bro is a sister branch of Cong Sao Star Dessert. They offer Cantonese desserts with modern twist and most of them are basically the same as those at Cong Sao, including the signature sorbet. Coming to the Yuen Long branch, this dessert place has a very cosy and modern decor, with lots of celebrities’ signatures on the wall of lockers. Given the menu features plenty of fruity choices from sorbets, sago, sweet tofu pudding, grass jelly to traditional sweet soup, a strawberry sorbet is surely