蟹家鉄板燒 (已結業)

為左慶祝我搵到新工, 所以去左一直想食都食唔到的蟹家。上次12月23日去到都無得食, 今次專登book左位先。上到去無咩人, 得2,3台客, 就影左食具先啦。日本餐廳連放餐具都好四正。我同我女朋友首先點左個海鮮餐, 之後再點一個和牛餐。因為少人的關係。個廚未黎就已經同我吹水。因為我成年之前黎過, 個廚竟然重認得我, 一路煮一路同我吹水。好啦入返正題, 主角當然係個蟹啦。個前菜係胡麻tofu同蟹腳salad,味道唔錯, 入正題有成隻蟹的部份, 有蟹腳同蟹殼。個蟹腳係sasemi, 所以非常鮮甜。蟹殼就讓左d野入去, 不過我媽媽地, 我都係鍾意食返d味道比較清ge。之後有燒蝦同燒魚, 有牛油伴住黎煎, 難食極有張, 只係普通左d。之後個和牛, 個廚一開始俾3成熟我試, 太生, 我同我女朋友都食唔慣, 之後試個熟ge...都係媽媽地, 和牛都係自己買返屋企煎好食好多。最後有個蟹肉炒飯, 正呀! d飯真係一粒粒, 唔會痴埋一齊, 蛋又香, 真係神來之筆, 感覺比上一次好食。可能因為太飽啦, 最尾碟炒雜菜我覺得媽媽地, 俾我女人消滅左。埋單成千幾銀, 不過好食ge野一時時食下都係好ge