影片
不想不想还是写了我平生第一次网上公开评论，因服务态度真的很差劣，不得不把这次经历公开。下午餐厅确定订位时祗是问了是否要预留毛蟹，我已觉奇怪，因之前订位时已问了不需要预定，有货的，但没所谓就先说要吧。 晚上到了餐厅坐下时(因太太早到已攞位)发觉祗是安排了普通座位，我跟「餐厅经理」说订位时是要铁板烧的，为何会有如此安排，他直说:「师父今晚甩底没有上班我也没办法，全店得一个师父现在已做到踢哂脚，给你坐铁板烧枱亦没有师父在你面前煮，现在安排你坐的位已经很好.........」; 接下来到拿餐牌时「餐厅经理」没有任何交代，祗是再重申问是否要毛蟹.....我餐牌还没有看要我如何回答呢?! 迷底终于解开了......在点菜时差不多一半铁牌烧牛肉的套餐都没有，「餐厅经理」祗是直说:「供应商比唔到货我地都控制唔到......」，我随即质问他为何下午打电话给我时不跟我说?!「餐厅经理」祗是像政府高官口吻般重覆之前的说话，我当场发火质疑他今天情人节那么特别的日子(犹其是餐厅赚钱的日子)不可能下午都不知道没有货，是否要骗我到餐厅让我没办法转地方? 「餐厅经理」即时面红+哑口无言，但随后又加口:「那你自己谂谂要不要转地方.....」这「餐厅经理」对著顾客(不仅是我，对著其他的食客亦一样)祗有轻佻的态度，整个过程没有说过一句对不起，而这种瞒骗的手法及差劣的态度完全离哂大谱，更厉害的是连炸薯条那么简单的食物都说没有货，我听到邻桌点菜时几乎一半要的东西都没有，另一桌则投诉蒜头煮焦了，还有一桌点了东西很久都没到，再三催促祗是来了个火炉，要煮的食物不知跑到那裹去，真的怀疑这餐厅是否预备今天之后就关门大吉。食物呢.....以这个价钱来说祗是普通，完全没有「抵」和惊喜，加埋这样的服务态度，我谂唔到原因会再黎!
继续阅读
去完日本 仲系好挂住蟹宴所以揾埋个buddy 去试下呢间一入到去 感觉好似身处于日本一样 装潢好细致 好舒服餐牌好多野选 眼花撩乱最后我地决定叫一人前再加少少野一人前包：好足料呀！！好新鲜：）点埋个醋 个鲜味出晒黎！好似食紧旦咁 好滑好正呀！ 如果多两条就更好啦！点少少左面果埋野 好好食！ 唔油一人前仲有2-3样唔记得影 整体都好满意呀另外仲叫左：海胆蟹盖煲仔饭有少少失望 以为饭入面有蟹肉原来只系盖上果部分同埋饭身偏干下次会试其他蟹膏薯条蟹膏味都好出 食食下都好饱 都可以叫黎试下值得一赞佢哋嘅服务态度好好成日都会留意到我地几时要加热茶即使倾到好夜 佢哋都冇赶我地走环境都好适合少人或一大班人去聚会 有机会都会再返嚟食
继续阅读
今次去食蟹，呢间叫得自己做「蟹家」，相信质素唔会错得去边，所以都几期待，除左食蟹，仲有铁板烧。餐厅内外佢对住维港海景，不过当然唔系张张都系Window seat，今次分唔到对住海景既枱比我地，但我想讲餐厅好大。食物选择十分之多选择，亦有set拣，不过今日我地都系散叫试下。黄金寿司 $168价钱都唔平，$168其实得3款，分别系三文鱼子、中拖罗蓉同埋海胆，而最底有6卷青瓜寿司。虽然唔平，不过份量其实都唔算少，三文鱼子多到满泻，同埋真系好新鲜，三文鱼子一咬鱼油溢出，而且鲜甜。至于中拖罗蓉都系有份量有好多，质素正常。本身我就唔系好食到海胆，唔系好中意佢既口感同味道，但呢款我都食到而且觉得唔错，做头盘唔错。海胆蟹盖煲仔饭 $130黎得「蟹家」就紧系要食蟹，见到呢个几得意，港式煲仔饭加上蟹盖，成个蟹盖除左蟹膏之外，仲有蟹籽、蟹肉同海胆，捞落饭食，本身饭已经有淡淡蟹味同蟹肉，至捞埋蟹籽海胆，每啖饭都好有鲜味，加上饭底够干身，粒粒分明，性价比超高！蟹扒烧 $198另外再点多个都系蟹既，呢个系用铁板炉挫住上菜，有5-6条蟹脚再加2只蟹钳，仲会附上蟹膏牛油，铁板热哂就可以加啲蟹膏牛油上去，好香，亦令蟹肉多股牛油油香更惹味，不过蟹肉就比较老，同埋落多牛油会好。餐厅食物都好新鲜，质素都唔错，如果系蟹迷可以黎试下，今次冇食到铁板烧话唔到大家知好唔好食，但佢既黄金寿司同海胆蟹盖煲仔饭真系几唔错。
继续阅读
前几日已经订定枱五人去食lunch，去到门口冇人企喺出面，我地准备行入去时啱啱有个店员行过，但并唔系行近我哋，而系直接隔2米距离大叫有冇订位...我地每人点左一个套餐（$380-$580），当时系星期日12点半左右，餐厅唔系满座，但上菜速度非常慢，每一道食完之后隔起码10分钟先再上另一道，而且套餐上菜时唔顺序，成餐饭食咗超过两个钟。最令人气愤嘅系店员服务态度极度恶劣，点餐同喺门口大叫嘅系同一位男店员，点餐时态度唔耐烦，上菜系将啲碟大力放喺枱面，另一位女店员亦同样大力上菜。尝试问女店员放低嘅菜式系属于咩套餐，一系就咁答蟹餐，但三种套餐都有蟹根本分唔出，一系就用价钱区分，就咁答你380/480/580，最后我哋要拎返个餐牌自己对下啲菜式...食到中段差啲想拍枱走人，个女店员收返烧生蚝个炭炉嘅时候唔专心，佢啱啱拎起隔离枱就叫佢，佢即刻放返低，就咁企喺我哋张六人枱嘅中间向隔离枱大叫「下」，跟住就行去拎筷子俾人，转头再返嚟收野每只手拎一个炭炉，但眼并唔系望住个炭炉，结果其中一个炉连埋啲蚝壳啲汁同个铁丝网跌咗落去我屋企人个袋度！！！跟住佢又放返低两个炭炉喺度执地下啲嘢，呢个时候另一个应该系高级啲嘅店员行埋黎帮手同叫佢俾啲湿纸巾我哋抹左先。全程个女店员系一句对唔住都冇讲过，最后仲要坚持系每只手攞住一个炭炉走我哋后尾𠮶几道菜已经冇心机食，虽然之后个女店员冇再出现，但其他店员嘅态度仍然恶劣，我叫左几次加茶店员系冇回应，到佢拎茶黎架先知原来佢听到，上菜仍然系大力放喺枱面。最后我哋问吓套餐系咪有跟餐茶，个高级啲嘅店员就话餐冇跟不过可以送。其实我唔明白一间餐厅倒泻野喺客人度都要收+1服务费系咩玩法，仲要我问个高级啲店员嘅时候佢系话冇得唔收，已经送咗餐茶俾你，最多送埋甜品俾你，我哋啲餐茶甜品都几贵... 仲要话可以叫返之前倒泻野嘅女店员出嚟道歉... 仲要系我自己提出洗衫嘅钱要问佢哋拎返，佢先话咁我迟啲可以俾返张单佢地claim... 我想话呢间餐厅嘅服务真系难以形容咁差，所谓送嘅餐茶系我哋问套餐有冇嘅时候先送，而且倒泻野𠮶个人应该一早就道歉啦，仲要我提出先话叫返佢出嚟，根本毫无歉意啲食物只能够话系唔难食，但系绝对唔值呢个价钱，加上咁嘅服务，冇可能再去
继续阅读
结婚周年纪念日，原先谂住买𩠌系屋企两口子打边炉庆祝就算，晏昼就出铜锣湾行下街，帮bb添置新衫先~一落车就见到sogo巴士站𠮶度有间写住食蟹嘅又系日本餐厅，老公就提议不如唔打边炉改食蟹啦～咁我话如果食蟹嘅话不如去世贸间蟹家啦…因为上年朋友生日食过一次，我觉得几好，可以再去，所以就当日打去book位，remark想坐窗口位，因为可以望海景，当然店员都系答尽量，唔肯定一定有，去到𠮶时当然系冇窗口位坐，可能订窗口位嘅客人早过我哋订呢🙂～坐低即刻叫两三款小食食住先，再慢慢睇下个餐牌，再决定食咩餐~见到佢有个蟹餐$3990，但要3人以上先可以order,另外又有个2人毛蟹餐就$1200，但我唔想食毛蟹，所以最后叫咗个和牛餐，见入面都有啲蟹件，再另外散叫几样食物，点知就系个餐有啲中伏😅😅不过除咗个餐外，其他嘢都好好食，加上殷勤嘅服务，我哋大致上都满意嘅~到临走时老公都仲话下次嚟一定要叫只毛蟹食，我个人觉得$800只毛蟹，仲要咁细只唔系太抵食😏
继续阅读