老港情懷 (已結業)

今日相約跟朋友到尖沙咀逛街。一早起身未食早餐，於是就和他去了天文臺道附近的一間叫做老港情懷的餐廳吃一餐。門面比較懷舊。餐廳裏面環境面積都幾大。所以我們一於走入去試一試。由於我們來的時候是12:00，所以我們叫了兩個午市推介套餐。其中一個是鮑魚蒸雞球飯，這是廚師推介的$58。另一個是是日精選的芝士蝦炆伊麵，$68。分別亦都有送上老火湯。其實餐牌有寫如果不要老火湯可以轉自家製涼茶一杯。老火湯果然是老火湯，味道一流，材料又足。一個湯碗入面有好多青紅蘿蔔，而且又有排骨，又有南北杏，單單一碗湯已經飲得出這間餐廳的誠意，喝完也不會有口渴的感覺，絕對不似外邊其他餐廳飲得出有味精味。至於鮑魚蒸雞球飯，上面有一些切片的鮑魚。鮑魚咬口不會太乾身，而且有彈性，有口感。蒸雞球都蒸得好嫩滑。餐廳枱面又有一壼豉油可以自由添加。添加到鮑魚蒸雞球飯的豉油不會太鹹，與白飯配搭好滋味。而整個鮑魚蒸雞球飯的份量充足，食完再加一碗老火湯都已經飽了。另外芝士蝦炆伊麵，未食落口已經聞到好重的芝士味，芝士發燒友應該好喜愛。裡面又有一些紅蘿蔔和洋蔥等配菜。我就最喜愛食紅蘿蔔，即刻夾一件紅蘿蔔來食，不但爽脆，而且紅蘿蔔味好充足。整碟芝