影片
更多
2017-03-02
117 浏览
星期一晚，喺銅鑼灣接完人收工，見到附近有間幾出名都幾特別既樓上café，決定去試下。原本係樓下見到要㩒鐘開門感覺怪怪地，但一入到去，見到有班人玩緊足球機，同埋勁多懷舊擺設，例如漫畫、「鐵甲萬能俠」同埋各種玩具，都幾特別！ 仲有小朋友角落，同場都有個小朋友玩下車同玩具，岩晒大人細路，裝潢同設施都比人一種好舒服既感覺。 因為好肚餓，於是拿拿臨點左個2人至尊份量套餐。頭盤為芝士蒜蓉包，沙律就揀左凱薩沙律，小食就薯仔屋蜜汁雞翼，而主菜就點左老闆娘推介既招牌醬燒豬仔全骨配肉醬薯仔屋鋪天薯條再加米蘭肉醬蕃茄焗千層麵。野飲就分別點左「迷桃戀人」同埋「比堅尼」。 由於上菜需時，於是一齊去左打機。好有懷舊色彩，啲遊戲有炸彈人、泡泡龍、飛機同埋其他，估唔到今時今日仲有呢啲遊戲！ 頭盤係芝士蒜蓉包 蒜蓉包色澤金黃，食起黎外脆內軟，加上面層既濃郁既芝士，同蒜蓉夾起上黎都吾錯，如果蒜蓉更香更濃就更加正。 沙律 凱撒沙律平時食得多，但呢次少有地有好香脆既麵包糠，令成個沙律變到好爽脆。 雞翼外皮煎得微脆，肉質嫩滑，加埋蜜糖係面，正！因為喜歡甜既雞翼，蜜汁雞翼就幾合我口味。 至於主角醬燒醬仔骨，唔單止大大舊，啲醬汁亦
因為好肚餓，於是拿拿臨點左個2人至尊份量套餐。頭盤為芝士蒜蓉包，沙律就揀左凱薩沙律，小食就薯仔屋蜜汁雞翼，而主菜就點左老闆娘推介既招牌醬燒豬仔全骨配肉醬薯仔屋鋪天薯條再加米蘭肉醬蕃茄焗千層麵。野飲就分別點左「迷桃戀人」同埋「比堅尼」。
由於上菜需時，於是一齊去左打機。好有懷舊色彩，啲遊戲有炸彈人、泡泡龍、飛機同埋其他，估唔到今時今日仲有呢啲遊戲！
頭盤係芝士蒜蓉包 蒜蓉包色澤金黃，食起黎外脆內軟，加上面層既濃郁既芝士，同蒜蓉夾起上黎都吾錯，如果蒜蓉更香更濃就更加正。
沙律
凱撒沙律平時食得多，但呢次少有地有好香脆既麵包糠，令成個沙律變到好爽脆。
雞翼外皮煎得微脆，肉質嫩滑，加埋蜜糖係面，正！因為喜歡甜既雞翼，蜜汁雞翼就幾合我口味。
至於主角醬燒醬仔骨，唔單止大大舊，啲醬汁亦相當惹味。豬仔骨燒到岩岩好，唔會因為燒太耐搞到啲肉變老，啲醬汁又好夾，唔怪得話係招牌。當然，如果啲肉可以餣得更入味，咁就perfect啦！
薯條上面淋有唔少肉醬同酸忌廉，味道酸酸甜甜，加上薯條又係啲肩長闊身既，一次過醮走啲肉醬同忌廉，大啖大啖咁食，好有滿足感。衣加諗返起都流哂口水！仲要個店員好貼心咁準備哂啲餐具同食物係枱面，仲唔會嘈住我地打機同玩層層疊除左個主菜仲有米蘭肉醬蕃茄焗千層麵，醬汁方面蕃茄味濃郁，切開千層麵果時上面既芝士拉開成一絲絲，咬落啲麵質地煙韌，同肉醬好夾，好快食到見底，仲特登食埋最後啲肉醬。
野飲就分別係「迷桃戀人」同埋「比堅尼」。 「迷桃戀人」其實係蜜桃奶昔，飲落清清甜甜幾開胃，順便可以減去食好多薯條同肉既油膩感！
「比堅尼」 春日風情「比堅尼」原來係混合左芒果、乳酸加啫喱仔，飲落都有啲似沙冰，酸酸甜甜，開胃之餘冬天飲完全係刺激味蕾，爽! 唯對吾飲得太酸既我黎講，如果無咁酸就更加好啦。
原來是日甜品係楊桃配雪糕泡芺。一碟有兩塊楊桃，上面各有泡芺，一啖咬落去，即時感受到啲雪糕冰凍既口感，天氣咁凍，食雪糕泡芺特別刺激！
整體黎講，呢間café既野食、服務質素同埋啲擺設好合我心水，亦都較唔少同類型既吸引！埋單＄392，一人約$200，個價錢相對質素而言，我覺得合理！ 仲有，臨走發現原來個老闆係個漫畫家黎，仲話係自己由細到大既夢想。開左呢間舖都十幾年，好多名人都黎過！個老闆過程中不斷介紹啲卡牌遊戲同玩法，好nice!!! 佢啲board games 都好特別，係佢呢到先有得玩，中意既仲可以係佢呢到買番屋企同朋友一齊玩! 呢個game好刺激!玩到同朋友一齊嗌出黎!!
张贴
