影片
更多
2024-02-16
34 浏览
大角嘴lost stars以黑膠唱片做主題嘅姊妹店mercury recalls坐落銅鑼灣名店坊，餐廳佔地近3000呎，用上木系傢俱設計配上懷舊黑膠碟，令食客享用美食嘅同時陶醉喺音樂之中。𖦹 白酒忌廉輕煎虎蝦 $138爽口嘅虎蝦竟然係配香甜多汁嘅提子？！配搭特別而且出奇地合襯，如果多幾塊包點汁就更開心，得兩塊唔夠喉。𖦹手工芝士烤雞卷 $288不愧係店內招牌菜式，totally above expectations! 雞皮烤至微脆，非常香口，好似食緊炸子雞咁，煙肉同芝士嘅鹹香互相輝映，口感滿分。配菜嘅薯蓉如果再幼滑啲就好，蒜香奶油醬味道突出。𖦹 黑松露牛肝菌意大利雲吞 $198雲吞皮幾q彈，內餡黑松露味濃郁，菇控必點。𖦹 朱古力奶油撻 $58內餡係絲滑嘅軟心黑朱古力，香濃唔過甜，撻皮鬆脆。整體質感比較實淨，可能雪得耐有啲難切開。𖦹 until i found you by stephen sanchez $168 餐廳嘅招牌雞尾酒以歌嚟命名，完全符合餐廳主題，有意境又有gimmick。以white rose tea配上vodka，加上蜜桃汁，酒、茶味平衡，充滿果香。𖦹 delicate
大角嘴lost stars以黑膠唱片做主題嘅姊妹店mercury recalls坐落銅鑼灣名店坊，餐廳佔地近3000呎，用上木系傢俱設計配上懷舊黑膠碟，令食客享用美食嘅同時陶醉喺音樂之中。
𖦹 白酒忌廉輕煎虎蝦 $138
爽口嘅虎蝦竟然係配香甜多汁嘅提子？！配搭特別而且出奇地合襯，如果多幾塊包點汁就更開心，得兩塊唔夠喉。
𖦹手工芝士烤雞卷 $288
不愧係店內招牌菜式，totally above expectations! 雞皮烤至微脆，非常香口，好似食緊炸子雞咁，煙肉同芝士嘅鹹香互相輝映，口感滿分。配菜嘅薯蓉如果再幼滑啲就好，蒜香奶油醬味道突出。
𖦹 黑松露牛肝菌意大利雲吞 $198
雲吞皮幾q彈，內餡黑松露味濃郁，菇控必點。
𖦹 朱古力奶油撻 $58
內餡係絲滑嘅軟心黑朱古力，香濃唔過甜，撻皮鬆脆。整體質感比較實淨，可能雪得耐有啲難切開。
𖦹 until i found you by stephen sanchez $168
餐廳嘅招牌雞尾酒以歌嚟命名，完全符合餐廳主題，有意境又有gimmick。以white rose tea配上vodka，加上蜜桃汁，酒、茶味平衡，充滿果香。
𖦹 delicate by dalien rice $158
呢杯酒味突出啲，伯爵茶香強烈，閨蜜非常喜歡。
张贴
