杜老誌大飯店 (已結業)

今日過開灣仔就特登搵間特式餐廳試下 上網睇睇下見到有間好懷舊風味 嘅杜老誌大飯店 一於就嚟試下杜老誌大飯店可以話係一間主題餐廳 好多80年代霓虹燈裝橫 每個部分都有唔同80年代嘅店舖 不同嘅場景 就連入到洗手間 都可以裝修到好似舊式 升降機咁 真係咩回憶都返曬哩餐廳嘅枱櫈都係用上 舊式酒樓嘅大圓枱同懷舊椅 地方夠大環境舒適 仲播住80年代嘅歌睇睇餐牌都係經典懷舊菜式 揀咗 街邊臭豆腐 外皮好香脆 內裏軟淋淋 點埋懷舊醬料嚟食 真係好似回到小時後感花甲蒸水蛋嗰種滑捋捋嘅口感 加埋花甲嘅鮮味 同一流嘅賣相 真係食到停唔到口柚子骨柚子味濃郁酸酸甜甜非常開胃 上面仲有一粒一粒柚子喺度椒鹽魷魚鬚外皮非常酥脆 魷魚彈牙夠先 絕對唔會油淋淋 食到尾依然都係咁脆 分量真係好多 兩個人食 夾極都仲有菠蘿皮西米焗布甸外皮好似菠蘿包咁脆 入面係西米布甸 即叫即整下次一定會過嚟食環境乾淨 食得安心 嘢食水準高 最緊要冷氣夠食得舒服