杜老誌大飯店 (已結業)

今日去到灣仔呢間杜老誌大飯店，餐廳嘅裝修以懷舊為主，成間舖見到好多八、九十年代裝修，例如茶檔、大牌檔招牌、遊戲機舖、桑拿店、娛樂場所等等設施。入到去坐低冇耐，店員已經奉上醬油碟俾我哋自行調配，醫汁同配料嘅種類都係平時會食到嘅大路嘢。餐前小食，一碟青瓜、一碟豆角，兩碟都撈得幾入味，餐前食一流。今日叫咗個鴛鴦鍋，一邊清清哋，另一邊就係麻辣鍋，可以fit晒兩種不同口味。配菜方面，呢一日就揀咗以下咁多款:日本黑豚五花腩($98)口感柔軟，脂肪位唔膩，用嚟打邊爐一流。蟹籽墨魚滑(82)每次打邊爐都會想叫嘅墨魚滑，大大舊全部都係肉，面頭舖晒蟹籽好吸晴，咬落去嗰下鮮味十足！鬼馬蝦膠($68)個人覺得幾有特色嘅配料，油炸鬼做底，面頭有魚肉，再舖上蟹籽。呢個處理上有啲考功夫，淥得太短時間怕魚肉未熟，淥得太耐塊油炸鬼就會好容易淋晒。五寶丸($98)五寶丸有五款唔同嘅丸類，墨魚丸、蝦丸、鯪魚丸、牛丸，同埋比較少見嘅梅菜豬肉丸。皇帝菜($45)勁大兜，最後食唔晒。枝竹($35)枝竹配上麻辣湯底，索晒麻辣汁就會好入味，正啊！萵荀($35)