六安居

营业中

休息中

懷舊之夜，一入到去酒樓，好似返返去六七十年代，童年回憶返晒嚟！六安居前身蓮香居，雖然改咗名，但係味道一樣，仍然有我最鍾意食嘅甜品同埋小菜，侍應都係咁好招呼，傾吓偈好似大家係老街坊咁樣！好開心，今日食返我最鍾意嘅西米焗蓮蓉布甸，依家市面上已經唔係咁多地方食到呢款甜品，西米滑溜溜，蓮蓉又唔係太甜，超級好食！燒乳鴿保持一貫水準，乳鴿外脆，入邊仲有肉汁！牛油大蝦伊麵份量十足，蝦夠新鮮！今日再試吓食個炸嘢，炸脆豆腐配炸鮮魷，又係份量十足，又香又脆，送啤酒一流！