明記潮館 (砵蘭180+商場)

营业中

休息中

上星期和家人到旺角明記潮館食潮州菜，地點好方便就腳，飯館都好大，環境頗舒適，可以食各式潮州美食。鹵水拼盤，相當抵食，食滿300元加8元就可食到，有各種不同的鹵水，豬腸夠入味，肥而不膩。鵝腸好爽口，肥膏不多。潮式煎蠔餅，外面脆卜卜，好香口，啖啖都是蠔仔，加些魚露特別惹味，大人細路都鍾意食。客家黃酒雞鍋，有半隻雞，都幾大鍋，滿滿酒香，雞肉非常嫩滑，雞湯混和黃酒好美味，入口回甘。肉碎蠔仔粥，份量夠，一家人都夠食，有鮮味，還有很多蠔，口感不錯。潮式凍馬友，都幾大條，食潮州菜少不了凍魚，肉質緊緻鮮嫩，味道鮮甜可口，配合豆醬更能提鮮。石鍋啫芥蘭，都幾大鍋，份量足，熱辣辣香噴噴，好爽脆，夠新鮮，而且伴有肉碎蝦米，十分惹味。巨型熊仔冰檸檬茶，超大杯，有一公升，兩三個人都夠飲，而且熊仔冰好得意，細路仔見到最開心。