Flagship

以前喺灣仔返工食lunch 比較多，宜家約朋友收工後食飯都會選擇灣仔，因為對於港島返工嘅朋友嚟講，灣仔都比較就腳同多野食😋

今次選擇咗一間位於船街嘅盡頭位置幾隱蔽嘅餐廳，就好似一隻停泊喺角落嘅船隻⛵️
餐廳有兩層，我哋被安排到第2層，木樓梯、吊燈好似穿梭到舊時航海嘅年代呢！

呢度最大特色就係中西合璧嘅fusion菜，所以睇menu 時會見到一啲又中又西嘅菜式名字😂我哋點咗一個沙律同埋2個主食，2人食每人平均$332，7-8成飽！

🥗紅菜頭沙律 $158
😋食後感：
-好少餐廳嘅沙律會以紅菜頭為主，記憶中好耐之前食過一次紅菜頭，但唔係好記得味道🤭所以點嚟試吓～
-食第一啖味道有驚喜🤩估唔到紅菜頭係可以咁好味😋啲汁酸酸哋好開胃🤤紅菜頭好爽口，仲有好香濃鹹鹹地嘅羊奶芝士味👍🏻正✅必點

🐟酸菜魚 $288
😋食後感：
-西餐廳竟然有酸菜魚食😆好有創意嘅中西合璧crossover 外表似西餐嘅煎魚-香煎鱸魚，點埋個汁味道的確有少少似酸菜魚🤭幾好味😋👍🏻配菜味道都唔錯✅必點

🍝黑松露蘆筍意粉 $158
😋食後感：
-好香嘅黑松露，唔係好覺有蘆筍嘅青味，可能因為攪碎咗，同埋可能因為黑松露比較濃味，仲有少少菇配搭，意粉煮得軟硬剛好好有口感，整體味道唔錯👍🏻