香港永年車仔麵茶冰廳

营业中

休息中

今晚經過沙田永年車仔麵茶冰廳發現佢哋夜晚有提供鐵板餐。餐牌的懷舊鐵板餐非常之吸引，跟我小時候的款式差唔多，只係小時候個鐵板有個牛頭😂依家佢哋提倡低溫慢煮，食得更健康。入到餐廳內綠色格仔懷舊枱布，份外親切，員工非常有禮介紹最新的鐵板套餐，套餐包括沙律或餐湯，可選擇主菜及醬汁仲有飲品。價錢由$188起，非常豐富。港式牛尾羅宋湯，味道濃郁，而且蔬菜甚多，牛尾有口感。牛油果薯仔蝦沙律，新鮮牛油果，配上薯仔蓉仲有鮮甜蝦再加上千島沙律醬汁，好開胃。主菜是美國極佳級封門柳，低溫慢煮，肉質軟滑，再加上醬汁，鐵板咋咋聲，小時候的回憶返晒嚟😂另一個是雜扒餐，分別有雞牛豬，再配上永年招牌辣汁，惹味。兩個主菜都奉上配菜，有粟米蕃茄西蘭花及什菇，營養十足。呢一餐同朋友一路食一路回顧小時候同家人節日去冰室食個鐵板餐多開心。