八款點心齊齊上枱，蝦餃、燒賣、黑糖蜂巢糕、鮮蝦腐皮卷、流沙奶皇包、
小籠包，每一款都即叫即蒸，熱辣辣又新鮮，食落去啖啖都感受到用心💯。特別要讚下佢哋每日都用新鮮牛肉，真係有誠意 👍
京城蜜汁叉燒包甜中帶鹹，叉燒餡料超足料，包身鬆軟，咬落去好滿足😋。
海苔香煎蘿蔔糕外脆內軟，蘿蔔味香濃，配上海苔真係加分！芥未沙汁三文魚春卷夠晒創新，三文魚鮮味同芥未沙汁好夾，
食完想encore！XO醬炒腸粉香辣惹味，腸粉滑溜，XO醬香氣撲鼻，食到停唔到口🔥
餐廳下層係懷舊戲院主題，牆上有好多經典電影海報，
坐低就好似返咗去舊香港咁有feel；上層就係地鐵站主題，
打卡位多到數唔晒，影相一流📸。飲返杯凍檸茶或者凍奶茶，真係chill到爆！
晚市必食蔥油雞翼撈麵，雞翼嫩滑入味，蔥油香氣撲鼻，麵條彈牙，
食完一碗仲想再encore！古法馬拉糕鬆軟香甜，做埋完美ending🍮
有得食又有得玩，仲可以幫毛孩🐶💖$5括括卡有唔同優惠，
仲會捐款幫毛孩，食得開心又做善事，真係一舉兩得！生日仲有大壽包送，夠晒窩心🎂
