屋子 (已結業)

該餐廳名叫uchi, 意即日文屋企是也 但如果我間屋有咁靚就好咯🥲佢哋呢間係第四間分店 其他幾間例如大圍等店都各有特色 口碑不錯講返呢間 今次佢哋開喺新市區將軍澳 經常都覺得嗰區起到低密度住宅係中產區 所以一般餐廳喺嗰度開都比較有特色 而uchi今次主要係走比較日本輕食風格 亦有供應午餐 價錢中等今日先叫咗一客屋子溫泉蛋牛肉丼 牛肉有質素 亦有咬口 但唔靭 配以醬汁再加溫泉蛋 令整體飯香更加出色 而且再配以前菜, 味增湯, 甜品同飲品 份量頗多 性價比頗高之後再點一客草莓焙茶戚風蛋糕🍰 首先上面有原粒士多啤梨🍓放喺忌廉上 賣相好好 中間夾雜咗士多啤梨粒再配埋焙茶味蛋糕 口感一流 忍不住成個食晒😋假日呢間餐廳一定好多人 想可以悠閑享受一個下午茶的話 就要選擇閒日早啲去霸位 建議選擇榻榻米