甘饕 (已結業)

早排亞媽話好掛住由細食到大嘅燒鵝瀨，當然小店已經冇左，同事推介銅鑼灣嘅甘饕，午市晚市都有得食燒鵝瀨，梗係要同亞媽去試吓！地點喺銅鑼灣嘅蘭芳道，成條街好多新餐廳，唯獨係甘饕最傳統！餐聽出面就睇倒掛滿立立令嘅燒鵝！餐牌選擇多，除左招牌燒鵝同燒味，仲有滷水菜式同特色小菜，喺銅鑼灣黃金地段，價格適中！推介！晚市2人套餐 $338 包括溏心皮蛋、甘饕燒鵝、自選滷水、白灼時菜、白飯或粉麵，同埋例湯 🍳溏心皮蛋: 店員介紹係自家醃製子薑，難怪味道酸甜適中，食落爽脆！溏心皮蛋晶瑩剔透，睇個樣都知勁好味超開胃🍗甘饕燒鵝: 招牌菜果然名不虛傳！燒鵝燒到外皮薄脆，肉質軟嫩仲好juicy! 配埋酸梅醬，減少油膩，咁好味嘅燒鵝買少見少！最重要梗係要配埋瀨粉一齊食啦！好耐冇食瀨粉，煮至爽口彈牙，推介 💯  🍢滷水豆腐拼紅腸: 自選滷水我地揀左豆腐拼紅腸，滷水味香濃而不膩，睇豆腐嘅顏色就知煮得好入味！紅腸雖然冇難度，輕輕煮過配埋滷水汁食味道剛剛好！套餐仲有時令老火湯，連亞媽都話真才實料！