瑞士咖啡室 (已結業)

真是好耐好耐冇食過瑞士雞脾喇!中午專登唔食咁飽，就係為左來食下午茶雖然食完個車仔麵都唔肚餓，但係食多隻雞脾都擺得落嘅。睇睇個餐牌...咦!又加一蚊了!今次同爸爸都係揀食瑞士雞脾，但佢食沙律，而我就試下食熱氣到死嘅薯條（仲有奄列可選擇）斷左骨嘅雞脾，賣相唔得，睇落好細隻!薯條啱啱炸起，超辣口!（平時都唔食炸薯條嘅我，今日就破例試下，粗薯條又幾好食啵）我地兩個都嫌隻脾差啲瑞士汁，如果可以比多啲汁沾下就正了久不久食一次好了，始終都食左午餐，咁快又食，會好肥嫁