影片
港铁钻石山站 A2 出口, 步行约9分钟
继续阅读
开饭介绍
以怀旧为主题的冰室，提供各式饭面、多士及扒餐等。
继续阅读
特色
饮o野倾计
营业时间
星期一至五
07:00 - 18:00
星期六至日
07:00 - 17:30
公众假期
全日休息
以上资料只供参考，请与餐厅确认详情
招牌菜
相关文章
当年附近反工，睇住佢开，虽然价钱比出面街贵，但环境ok,又几好坐同几好食都周不时帮衬。特别佢个早餐，应该全港得佢咁做，菠萝油/鲍鱼丝通粉/火腿奄列，放假都试过特登去食。N年后，我做左个错误决定，就系带朋友去食lunch . 坐低过厨房无厨师得番碟头饭。ok,照落单，饭又一旧旧，汁又麻麻，然后扒一块，成碟野又唔系特别热…总之后悔。直到今日，食埋曾经迷恋过既早餐，彻底失望。入到间铺大把位，但净系开一边，声称另一边要做清洁，再问多句又话一阵好多人…大姐，朝早1030咋…实情呀姐侍应唔想行多步，weekend想坐下卡位chill 个早餐都唔得。落单又遇著另一个态度差既侍应……终于到左主角早餐上台，兜粉加左肉丁都可以无黎味道，d肉丁又难食，菠萝油走哂样，以前叮完都胀卜卜，牛油亦无咁快溶哂，而家见丁都无希望。最后附上收碗碟餐车，离远见到都唔开胃。工厂区似终都系工厂区，几靓装修都无用，可惜！
继续阅读
原来而家好先进，佢哋有手机app可以叫外卖㖞～ 叫完外卖可以等手机通知先至落去攞，唔使迫人，最近仲有九折 🤑攞完餐，仲原来储咗分可以换现金券 😂
继续阅读
成日都听到佢个名，所以今次就嚟试吓啦！瑞士咖啡厅，果然系有招牌菜如其名嘅瑞士汁鸡翼同鸡髀，难得嚟到梗系要试吓佢嘅招牌菜啦！🙊😍 佢个瑞士鸡翼同鸡髀系常餐咁样叫，好开心佢个面可以免费转罗宋汤底，开胃好多！当然唔少得佢个瑞士汁鸡髀啦！一睇个食水就知道腌得好够味，个鸡髀好Juice，瑞士汁都好够味！！必试必试！！！尤其是鸡翼同鸡髀爱好者！佢个罗宋汤通粉都好够味，直头可以饮埋啲汤！🙊🙊 另外朋友叫嘅咖喱牛腩饭，味道都不错👍！佢有得加$8一个小食，但个小食就觉得麻麻地，个鸡串个味道有点儿怪不过整体来讲都系一间好味同抵食嘅茶记♥️
继续阅读
甘岩系新蒲岗同朋友一齐做野，晏昼唔知食咩好，朋友都唔想谂，甘岩经过呢间茶记，谂住茶记点都唔会伏，就入左去。餐厅环境同卫生情况都比一般工厂区既茶记好，侍应姐姐都有礼貌。由于我非常肚饿，就点左个芙蓉蛋饭，朋友就唔太饿，就拣左常餐—美丽之最，名称非常搞笑😂芙蓉蛋饭都系一般茶餐厅质素，比较特别既系用左猪颈肉代替叉烧，另外仲有芽菜同火腿，蛋就有少少过左火喉，54蚊系工厂区黎讲就唔算好抵食。而朋友叫既常餐就相对抵食d，52蚊包一个火腿通粉、三文治同沙律。
继续阅读
呢几日早左醒，就同朋友出左去揾早餐食，黎到新蒲岗工厂区附近揾野食，朋友带我去左一间隐闭茶餐厅，入面既装修好有怀旧气息，用麻雀砌成既餐厅名，又几抢眼我地坐左响卡位，早餐选择好多，叫左一个全日早餐，有火腿奄列，牛角包好松脆，肠仔，猪扒都好大块，仲有蕃茄同茄汁豆，如果有薯饼就更好，份量都几多几丰富，而且价钱唔贵另外，叫左一个鸡扒公仔面餐配奄列，仲有个沙嗲牛肉包，叫左杯奶茶茶走，茶味香浓，炼奶底配香浓茶叶既奶茶，另一杯正常就有少少涩味，沙嗲牛肉包几大个，之后再叫左碗意大利菜汤既(自家制)通粉，配厚厚既吞拿鱼芝士多士，杏霜也不错。
继续阅读