Cafe Whale

营业中

休息中

呢個下午茶餐$45真係非常之高質兼抵食，三件魚柳加薯條一份，以為平平無奇，點知個炸魚柳非常有驚喜，一咬落去就知道唔係一般嗰D魚手指炸魚柳，食得出鮮味，咬得到一梭一梭的魚肉，食完之後仲Feel到有魚油停留喺口腔，如果唔係有著名大廚師推介都真係未必會試一試，問咗侍應先知原來D魚柳係用新鮮懵仔魚整嘅，唔怪之得有咁豐富嘅魚油啦，點埋佢個秘製沙律醬真係無得頂，如果鍾意食魚嘅朋友一定唔可以錯過。另外佢個薯條都好食，應該係即叫即炸而唔係一早炸定或者翻炸，非常有誠意。