尚上下夏 - 養生雞煲火鍋 (已結業)

一家大細又要出動搵嘢食嘅時候，火鍋永遠係我哋嘅第一選擇，但係屋企人好有要求，又成日要搵新店試吓新野。今次試呢間位於尖沙咀山林道嘅上上下下，應該係尚上下夏，係同事介紹嘅我食材新鮮小店。先食咗麻辣雞煲，調味香辣剛剛好！你鍾意佢加埋豬皮好索味！我哋叫咗一盆好豐富嘅海鮮套餐，再加一份好似酒店high tea 三層架嘅牛肉套餐。一上枱賣相非常了得，果然啲海鮮全部好新鮮，特別係啲大虎蝦，爽口彈牙！嗰啲聖子王大隻到呢！我覺得自己去街市用呢個價錢都買唔到咁靚嘅海鮮。而佢嘅牛肉三層架，有牛胸爽、牛肩脊、牛舌、牛肉粒，相當滋味。餐廳地方細細，係以香港懷舊做主題，幾有特色！