焱丸水產 (已結業)

今日去左铜锣湾焱丸水产，呢到除左有矶烧，仲有刺身同熟食，选择多，应有尽有。刺身3盛 $160，有三文鱼、油甘鱼、干贝，甜虾刺身$68，值得一提三文鱼虽然唔系鱼腩位，但厚肉鱼油香味好重，而赤贝$68，爽口鲜甜好好食。三文鱼富士山$78，卖相不俗，可以呃like。矶烧类选松叶蟹膏帆立壳烧同三文鱼籽帆立壳烧，各$80，比较中意食松叶蟹膏味，味道较浓，相反另一款，烧熟左既三文鱼子口感有Ｄ奇怪。白蛤矶烧$45，加左烧酒烧，鲜甜味出晒黎，烧完后唔会好干。矶烧全部都由店员帮手烧，烧得岩岩好又唔会太熟，服务几好。熟食方面，轰炸鸡$58，系即炸，香脆肉滑多肉汁又juicy。