輝

营业中

休息中

同朋友慶祝生日，揀左間有格調嘅日本野食~坐得舒服，又食得開心~每道菜式都係有心之作~🔹開胃菜🔹 毛豆 - 無鹽，無添加，新鮮嘅味道~燒豆腐車厘茄香蒜沙律 - 燒左嘅豆腐好香，加埋上面嘅味素好好食，下面嘅沙律菜同車厘子好fresh~🔹精選刺身拼盤🔹超級精緻嘅擺盤~仲侍應姐姐細心介紹~有赤貝、赤蝦、金木鯛、池魚、呑拿魚~全部都好新鮮，唔會腥~金木鯛同池魚都少啲食到，清清地，但又有各自嘅魚味~呑拿魚好厚切，但入口即融，完全無筋！🔹炸松葉蟹肉忌廉餅🔹一定係自家製~入面全部都係蟹肉，外面好脆，入面好綿~🔹免治雞肉軟骨串🔹川式嘅就食得多~日式嘅好唔同~食到啲肉香，雞軟骨碎搞到好細，但又不失口感~點埋蛋漿就更加昇華~🔹Hika 丼🔹完全係招牌菜！好似全部精選咁~A5和牛同Toro 入口即化，海膽甜到唔識形容，三文魚子同蟹肉多到食哂飯都仲有剩~🔹松葉蟹肉海老卷🔹好特別~有味紫菜碎伴住壽司卷~仲有飛魚籽，壽司卷上面係一堆蟹肉同蟹膏，卷入面係青瓜絲同脆脆炸蝦，所以口感層次都超級豐富！